Sexta, Janeiro 21, 2022

Federasaun Xadres Timor-Leste (FXTL) realiza kampionatu nasional ba tinan 2021 ho kategori 4 haat mak hanesan, senior feto no mane, no junior feto no mane.

Federasaun Xadres Timor-Leste (FXTL) realiza kampionatu nasional ba tinan 2021 ho kategori 4 haat.

Prezidente FXTL, Zefrino Viegas hateten, jogu kampionatu nasional ne'e loke ba atleta hotu ne'ebe mak hanesan Timoroan, bele mai kompete hodi valoriza nia talentu.

Nia dehan, jogador sira ne'ebe mak partisipan iha kampionatu ne'e balun mai husi asosiasaun maibe ne'e ho individual laos reprezenta sira nian asosiasaun.

"Kampionatu Nasional realiza ita FXTL mos sei buka kampiaun hodi holo selesaun no se mak sai manan nain no se mak sei sai atleta melhor nasaun nian ba tinan 2021 ne'e," Prezidente FXTL Viegas hateten.

Tanba ne'e nia dehan, kampionatu nasional 2021 ne'e realiza ho kategori 4 haat hanesan, senior feto no mane, no junior feto no mane.

"Liu husi kampaionatu ne'e se mak sai manan nai sei reprezenta Timor-Leste hodi patrisita jogu iha Asia," nia salienta.

Nia dehan, total atleta ne'ebe mak partisipa iha kampionatu nasional ne'e hamutuk nain 126 no eventu refere realiza durante loron tolu.

Iha fatin hanesan, Diretora Nasional Secretariu Estadu Juventude no Desportu (SEJD), Maria Luisa Monterio hateten kampionatu nasional ne'e sai hanesan sasukat hodi halo selesaun ba atleta sira ne'ebe mak melhor iha jogu no sei reprezenta Timor-Leste tinan oin iha Sea Games iha fulan setembru 2022.

"Orsametu hodi realiza eventu kampionatu nasional ne'e husi SEJD ho total montante $8,000," Diretora SEJD Luisa hateten.

Tanba ne'e husu ba atleta sira tenke exprensa imi nian talento ho diak no bainhira jogu ne'e realiza tenke kumpri regras ne'ebe fo sai ona.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04