Sexta, Janeiro 21, 2022

Governu liu husi Autoridade Munisipiu Dili muda vitima inundasaun 4 de Abril 2021 hamutuk uma kain (6) no membru familia hamutuk ema nain 41 ba kost tanba foin lalais udan kauza tan inundasaun iha sentru akolhimentu ne'ebe mak sira hela ba.

Prezidente Autoridade Munisipiu Dili, Guilerminha Filomena Riberio hateten sentru akolhimentu ne'ebe mak durante ne'e governu lori vitima inundasaun sira ba hela provizoriu hahu husi fulan Abril to'o ohin loron ne'e, udan bo'ot foin lalais kauza inundasaun no lona sira hetan estragos hotu.

Prezidente Autoridade Munisipiu Dili, Guilerminha Filomena Riberio hateten sentru akolhimentu ne'ebe mak durante ne'e governu lori vitima inundasaun sira ba hela provizoriu hahu husi fulan Abril to'o ohin loron ne'e, udan bo'ot foin lalais kauza inundasaun no lona sira hetan estragos hotu.

Tanba ne'e governu deside hodi muda fali vitima sira ba hela iha kost.

"Kost ne'ebe ita muda vitima sira ba ne'e governu mak seluk nune'e vitima sira provizoriamente okupa lai durante fulan neen (6)," PAMD Filomena hateten.

Nia dehan, provizoriu fulan durante fulan neen (6) ne'e governu muda lai vitima hirak ne'e mai iha kost nune'e governu hodi identifika lista hodi fasilita sira ba ida-idak nia munisipiu tuir sira nia desizaun.

"Familia hirak ne'e balun ne'ebe mak membru familia barak governu ofrese kuartu 2 balun ne'ebe familia ituan ita ofrese kuartu ida no governu mak seluk," nia hateten.

Tanba ne'e nia dehan, durante fulan neen ne'e governu asegura sira iha fatin ne'ebe dignu, la risku ba husi inundasaun hodi halo prosesu realokasaun ba sira nia moris fatin.

Iha fatin hanesan, xefe ekipa vitima inundasaun Manleuana, Carlito Exposto Sarmento hateten, durante ne'e governu sempre ba foti dados hodi fasilita sira ba ida-idak nia munisipu maibe to'o agora rezultadu la iha.

"Desizaun fila ba munisipiu, ne'e ami deside kleur ona maibe ami hein fasilita husi governu mak to'o ohin loron mai seidauk fila no kuntinua hela iha lona okos to'o udan bo'ot inundasaun dala ida tan, mak sira mai muda ami ba fali kost," nia hateten iha Manleuana Dili.

Tanba ne'e nia hatete espera katak, durante fulan ne'en sira hela provizoriu iha kost ne'e hodi fo tempu ba governu hodi fasilita transporta sira ba ida-idak nia munisipiu iha Baucau, Lauten, Ermera no Ainaro.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04