Sexta, Janeiro 21, 2022

Agensia TIC Timor selebra akordu koperasaun servisu ho Laboratoriu Nasional Saúde Institutu Publiku (LNS, I.P) atu kria e-mail official ba diretor sira no funsinario hotu no dezenvolve website laboratoriu saúde nian hodi fasilita informasaun ne’ebe klaru no kredivel ba populasaun sira konaba servisu atendimentu laboratoriu nian iha futuru.

Agensia TIC Timor selebra akordu koperasaun servisu ho Laboratoriu Nasional Saúde Institutu Publiku (LNS, I.P) atu kria e-mail official ba diretor sira no funsinario hotu no dezenvolve website laboratoriu saúde nian hodi fasilita informasaun ne’ebe klaru no kredivel ba populasaun sira.

Presidente TIC Timor, Roberto Caitano de Sousa Vicente hateten sira sei fornese servisu informasaun, komunikasaun no teknologia ne’ebe laboratoriu presiza atu fasilita sira presta servisu atendimentu ne’ebe diak liu tan ba populasaun sira no populasaun sira bele iha asesu ba informasau ne’ebe kredivel liu husi portal official laboratoriu nian.

“Ita estandariza tiha sistema e-mail governu nian. Uluk ne’e hanesan diretora executivu ohin dehan, barak mak uza e-mail privado hanesan gmail, yahoo, hotmail no seluk tan, ne’ebe dala barak la garantia seguransa dokumentu sira tanba laos rai iha sistema governu nian,” nia hateten hafoin asina MOU ho Laboratoriu Nasional Saúde iha Bidau, Dili.

“Bainhira asesor no funsionario ida termina nia servisu informasaun ne’ebe iha nia lori ho, maibe utilizasaun e-mail official sira nia arkivu e-mail sira ne’e ita aguarda hotu iha sentru dadus governu eletroniku, nune’e wainhira governu presiza dadus ema ne’ebe halao servisu ne’e laiha it abele hare fali dokumentu ne’ebe ita sentraliza ona.”

Nia dehan dezafiu ne’ebe povu Timor-Leste enfrenta iha prosesu dezenvolvimentu ba governu eletroniku mak kapasidade internet, maibe instituisaun estado sira ne’ebe iha ona koneksaun direita ba iha TIC la presiza internet tanba sistema fahe ona ne’ebe hahu agurada iha placio governu. Ba populasaun sira ne’ebe hakarak asesu ba iha servisu governu nian via elektronika nafatin presiza internet.

Nia informa dadus aktualmente total instituisaun estado ne’ebe ligadu ona ba iha TIC no sentru dadus governu elektronika hamutuk 45 instituisaun tanba ne’e informasaun sira ne’ebe iha aguarda ona iha sistema elektronika.

Iha parte seluk, Diretora Laboratoriu Nasional da Saúde, Endang Soares Silva hateten koperasaun servisu ne’e bele ajuda sira dezenvolve plataforma elektronika no kapasitasaun ba rekursu humanu atu bele fasilita servisu diak liu tan iha era-teknologia tanba durante ne’e sira enfrenta problema barak ligadu ho sistema informasaun, komunikasaun no teknologia.

“Ami hahu ami nia koperasaun iha tinan 2019, maske seidauk iha akordu. Maibe ho vontade laboratoriu nasional nian no TIC, ami konsege servisu hamutuk kria e-mail official ba funsionariu hotu inklui diretur sira atu utiliza e-mail governu ne’ebe kria husi TIC no ami mos simu apoia ba kriasaun website tanba durante ne’e laboratoriu laiha website ne’ebe eziste,” nia hateten

Nia dehan servisu laboratoriu husi nasional to’o ba munisipiu tanba ne’e servisu ida ne’e sei habelar ba iha nivel munisipiu hotu atu bele harmoniza baze dadus informasaun sira konaba atendimentu laboratoriu nian ligadu ba diagnostika no peskiza sira konaba moras.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04