Segunda, Junho 24, 2024
Total visitors: 766366

World Vision Timor-Leste (WVTL) nia Jestór Operasaun Interina, Emelita da Cruz hateten, (WVTL) sei servisu hamutuk ho grupu to’os sira ho apoia husi Ministériu Agrikultura, Pekuária, Peska no Florestas (MAPPF) nian hodi hasa'e produsaun ai-han nutritivu oin neen (6), hanaran Ai-han Super, inklui forekeli, fore-mungu, koto-mean, fehuk-midar laranja, marungi no manutolun.

World Vision Timor-Leste (WVTL) nia Jestór Operasaun Interina, Emelita da Cruz hateten, (WVTL) sei servisu hamutuk ho grupu to’os sira ho apoia husi Ministériu Agrikultura, Pekuária, Peska no Florestas (MAPPF) nian hodi hasa'e produsaun ai-han nutritivu.

“Ami koko atu hasa'e produsaun ai-han super sira-ne’e, atu inan-aman sira bele kuda, te'in no hodi konsumu. Bainhira sira-nia produsaun ai-han barak ona sira bele han, bele rai balun, hanesan fini hodi kontinua kuda fila fali iha époka tuir mai. Nomós sira bele faan, nune’e bele hasa'e rendimentu família nian no bele aumenta tan sira-nia kapasidade hodi sosa tan ai-han nutritiva seluk ne’ebé tuir sira-nia nesesidade konsumu,” nia dehan hafoin remata lansamentu ba Ai-han Diak Saude di'ak iha Díli.

Nia hatutan WVTL la servisu mesak, maibé forma membru voluntária sira no fó formasaun ba sira atu sira iha abilidade hodi halo influénsia sosiál, entaun sira daudauk ne’ebé hola parte iha grupu ne’e sira ba ko'alia hamutuk ho komunidade hodi hatene nesesidade ida ne’ebé mak sira iha maibé sira seidauk konsege hetan.

Nia salienta, inan-aman sira koko utiliza kintál hodi kuda ai-han sira ne’ebé iha nutrisaun di'ak ba saúde, tanba ai-han sira-ne’e fasil atu hetan nia fini no hatene maneira atu kuda no kuda, nune’e kolleta karik nia kuantidade ne’e bele natoon ba atu konsumu.

Iha parte seluk, First Secretary Human Development, husi Embaixada Australia, Fiona Meehan hateten fornesimentu ai-han lokál ne’e importante tebes no iha nutrisaun di'ak, tanba ne’e mak liuhusi programa refere bele fó oportunidade oinsá atu bele hadi'a no mellora di'ak liután saúde povu ni'an.

“Atu hasa'e produsaun ba iha agrikultura nian, governu Timor-Leste nian, husi governu Australia ami suporta makas tebes ba iha inisiativa ida- ne’e, oinsá bele hadi'a no mellora di'ak liutan atividade sira-ne’e. Ho oportunidade ida-ne’e ami hakarak kongratula ba ekipa tomak WVTL nian ne’ebé mak servisu makas tebes iha programa ida-ne’e,” nia dehan.

Nia salienta, programa ne’ebé mak agora daudauk halo ona lansamentu ne’e, programa ida ne’ebé importante tebes, oinsá atu bele hasa'e koñesimentu komunidade nian ba ai-han ne’ebé mak iha nutrisaun.