Segunda, Junho 24, 2024
Total visitors: 766366

Sekretario Sekretária Estadu Protesaun Sivíl (SEPS) Domingos Mariano Reis hateten parseiru umanitáriu husi Australia fó apoia ba Autoridade Protesaun Sivíl (APC) ho orsamentu millaun 2.5 dolar amerikanu ba programa rua inklui preparasaun el-niñu no antisipatóriu el-niñu.

Sekretario Sekretária Estadu Protesaun Sivíl (SEPS) Domingos Mariano Reis hateten parseiru umanitáriu husi Australia fó apoia ba Autoridade Protesaun Sivíl (APC) ho orsamentu millaun 2.5 dolar amerikanu.

Nia dehan, projetu preparasaun el-niñu no antisipatóriu el-niñu ne’e implementa ho durasaun ba tinan ida, hahú husi fulan janeiru to dezembru, no projetu ne’e halo preparasaun oinsá atu bele hareee ba komunidade sira hotu, liuliu ema sira ne’ebé defisiente, inan isin-rua sira, labarik ki’ik sira no ferik katuas sira, no sira ne’ebé mak risku liu ba dezastre.

“Komunidade ne’ebé durante ne’e iha inisiativa rasik hodi konserva bee matan sira, bainhira sira halo proposta hatama ba, depois ita hareee hamutuk ho parseiru sira karik iha disponibilidade ita ho parseiru sira bele apoia sira,” hateten SEPS Reis iha salaun APC, Kaikoli, Díli.

Nia hatutan, orsamentu ne’ebé apoia husi parseiru umanitáriu husi Australia ba APC ne’e importante liu oinsá atu bele ajuda komunidade sira ne’ebé mak defisiente, inan isin rua, labarik ki’ik no ferik kartús sira, tanba sira-ne’e mak risku liu ba dezastre naturais, tanba ne’e presiza tau atensaun liuba komunidade sira hanesan ne’e.

Iha sorin seluk, Counselor for Human Development husi Australian Embassy, Rebecca Dodd hateten projetu ida-ne’e oinsá atu bele hasa'e reziliensia komunidade sira-nian, hodi prepara ba redusaun ba dezastre, ne’e bele fó impaktu ba komunidade sira.

“Asaun sira-ne’e mós atu ajuda tebes ita-nia komunidade oinsá bele sai reziliente tebes atu bele responde ba kualkér tipu dezastre ne’ebe komunidade sira hasoru. Programa dezastre ne’e oinsá atu bele foka liu ba oinsá atu bele promove igualdade jéneru no mós inkluzaun sosiál hodi oinsá bele responde ba dezastre ne’ebe akontese,” nia dehan.

Nia dehan, governu Australia kontente tebes oinsá bele servisu ho di'ak ho governu Timor-Leste liuliu iha APC hamutuk ho parseiru sira seluk, oinsá atu bele hareee ba dezastre naturais ne’ebé akontese ba komunidade sira, fiar katak servisu liuhusi projetu ida-ne’e bele ajuda komunidade sira atu bele sai reziliente di'ak liu tan ba tipu dezastre sira hotu.