Sexta, Março 29, 2024
Total visitors: 766366

Lei kodiugu laboral nebe mak parlamentu liu husi komisaun H diskuti konsege diskuti hamutuk artigu  lima nulu resin ona no hela artigu lima nulu tan mak atu aprova tan.

“Nebe ami hein katak iha semana agora mai se lae plenaria ekstra ordinaria ami sei kontinu diskuti nafatin ba lei ne’e atu aprova” hateten vise prejidenti komisaun H Eduardo Bareto,iha parlamentu tersa sigunda semana kotuk,(22/08).

Eduardo dehan ,lei kodigu laboral ne’e aprova tiha ona jeneralidade iha parlamentu agora kontinua debate espesialidade iha komisaun H.

“Ami debate hotu tiha amiharuka ba prejidenti da republika hodi promulga bele implementa ba lei ne’e”Eduardo dehan.

Entretantu membru komisaun C deputadu bankada CNRT Secilio Camina hateten katak, lei kodigu laboral ne’e  sei diskuti iha setembru tanba parlamerntu sei hare ba alterasaun lei petroliu ninian.
“Lei kodigu laboral ne’e seidauk debate iha espesialidade iha setembru mak foin bele diskuti tan lei ne’e nia isin lolon tomak iha nivel komisaun ”

Iha fatin hanesan deputadu Bankada PSD Mario Viegas Carascalao sublina katak, lei kodigu laboral ne’e  diskuti dadauk  iha komisaun C.

“Sei iha artigu lima nulu hanesan ne’e mak komisaun debate atu remata tanba komisaun ida deit la konsege halo hotu mak komisaun A mos  involve servisu hamutuk atu diskuti lei ne’e lalais”
Mario afirma katak, problema korum deputadu barak la tama hotu mak la biban halo reuniaun.

“Lei ne’e importante tebe tebes tanba lei ne’e dfende direitu trablhador nian ,tanba la iha lei kodigu trabaliu id abele defende sira nia interese” Mario tenik.