Quarta, Janeiro 20, 2021
Total visitors: 543764

Eskola Sekundario Tekniku Vokasional (ES-TV) 28 novembro sai imagem diak ba eskola ES-TV sira seluk iha Timor-Leste, tanba liu husi avaliasaun ba ezame aptidaun ne’ebe mak Ministerio Edukasuan Juventude no Desporto (MEJD) halo, sira mak hatudo rezultado diak.

Ministro MEJD, Armindo Maia hateten eskola SE-TV 28 novembro ne’e liu husi avaliasaun pedagogica, liu-liu konaba skil estudante sira nian ne’e diak tebes, nune’e sai ona ezemplo ba eskola tekniku vokasional sira seluk iha Timor-Leste.

Ministro MEJD, Armindo Maia hateten eskola SE-TV 28 novembro ne’e liu husi avaliasaun pedagogica, liu-liu konaba skil estudante sira nian ne’e diak tebes, nune’e sai ona ezemplo ba eskola tekniku vokasional sira seluk iha Timor-Leste.

“Ita hare husi avaliasaun ne’e estudante sira iha kapasidade diak tebes, sira bele halo instalasaun eletrisidade, konaba loke no taka ne’e lapresija buti iha tombol maibe basa liman deit,” Ministro Maia dehan.

Nia dehan, ne’e hatudo ona dezenvolvimeto iha area edukasaun nian komesa la’o no hakat ba oin daudaun hodi hatudo ba sosiedade no mundo.

“Ministerio nafatin esforsu hodi apoio SE-TV 28 novembro, liu husi rekursu humanu nune’e mos infrastrutura, biblioteka, no mos laboratorio, atu nune’e bele hadia diak liu tan iha futuru,” nia dehan.

Tanba ne’e nia dehan, nafatin halo avaliasaun hodi hare sei falta iha ne’ebe no at iha parte ne’ebe nune’e ministerio bele tau osan hodi dezenvolve ES-TV 28 novembro.

“Ita husu mos ba ES-TV 57 seluk iha Timor, atu banati tuir saida mak saida ES-TV 28 novembro halo, labele hein deit ba ekipamentos, maibe koko ba saida mak imi bele halo,” MEJD Maia husu.

Entretanto, Diretor Eskola Sekundario Jeral Tekniku Vokasional (ES-TV) 28 novembro Pedro da Silva Ximenes hateten, eskola refere iha departamento tolu mak inklui arte grafika, eletrisidade, no informatika.

“Ita nia alunus ne’ebe mak ohin ministerio halo ezame aptidaun hodi fo avaliasaun ne’e hamutuk 99 sira konsege hatudo duni rezultado ne’ebe mak husi eskola hanorin, ita orgulho tebes,” Diretor Eskola Ximenes hateten.

Tanba ne’e nia dehan, husi ezame ida ne’e, hodi determina sira nia valor hodi pasa iha ezame nasional nune’e asesu ba universidade.

Enkuanto nia dehan, ekipameto ba estudante sira utiliza hodi halo pratika ne’e, menus liu, sasan sira ne’e aranja husi estudante no professor sira rasik.

Iha parte seluk, estudante Antonio da Silva hateten durante iha prosesu aprende mai to’o ohin loron sira hetan rekoñese husi Ministerio Edukasaun Juventude no Desporto maibe liu husi difikuldade barak maibe sira nafatin motiva malu.

“Hau fiar an katak ami finalista ne’ebe mak halo ezame no hetan avaliasaun husi Ministerio Edukasaun Juventude no Desporto ne’e ami sei pasa hotu, no hodi estudante hotu agradese ba professores sira ne’ebe mak akompanha ami iha prosesu aprendisagem durante ne’e,” nia salienta.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04