Terça, Janeiro 19, 2021
Total visitors: 543636

Reprezentante United Nations Children’s Fund (UNICEF) iha Timor-Leste, Valerie Taton, hateten estudante sira kriatividade no konhesimento diak iha area Information Communication no Technology (ICT) inovasaun nian tanba ne’e UNICEF pronto atu dezenvolve labarik sira nian talentu iha area refere.

Reprezentante United Nations Children’s Fund (UNICEF) iha Timor-Leste, Valerie Taton, hateten estudante sira kriatividade no konhesimento diak iha area Information Communication no Technology (ICT) inovasaun nian tanba ne’e UNICEF pronto atu dezenvolve labarik sira nian talentu iha area refere.

Nia dehan, ICT inovasaun ne’e importante tebes tanba estudante sira bele aprezenta buat foun ida ho meios oin oin ne’ebe mak kapas, husi ekipamento balun ne’e mak at no labele uza ona.

“Ita nia estudante sira iha kriatividade diak iha area ICT inovasaun nian. Ita hare sira bele halo inovasaun husi ekipamentos eletroniku ne’ebe mak at bele transforma sai eletrisidase nune’e mos halo produto seluk ne’ebe mak nia utilizasaun ne’e diferensa,” nia hateten.

Nia hateten, tenke investe, tanba labarik sira iha abilidade bo’ot tebes hodi halo inovasaun tanba ne’e tenke fo oportunidade ba sira atu aprende.

Tanba ne’e nia dehan, UNICEF nafatin apoio Ministerio Edukasaun Juventude no Desporto (MEJD) hodi dezenvolve area ICT no fo oportunidade ba estudante sira aprende iha area inovasaun nian.

Iha fatin hanesan Ministro MEJD, Armindo Maia hateten ministerio pronto kolabora ho parseiro sira liu-liu UNICEF hodi dezenvolve area ICT inovasaun iha Timor-Leste.

“Ita ho parseiro sira sei esforsu atu dezenvolve, atu edukasaun ne’e labele uza nafatin sistema tradisional maibe ita iha potensia bo’ot liu husi tecnologia informasaun no komunikasaun atu bele hala’o edukasaun ne’e kualidade no lori edukasaun diak ba ita nia oan sira,” nia hateten.

Nia dehan, inovasaun ne’e mak estudante sira halo, balun halo ahi ne’e taka loke basa liman deit, balun mos bele dezenha website rasik, no buat seluk tan.

Iha parte seluk Diretor Eskola Sekundario Tekniku Grupo Industria Bekora (ES-TVGIB) Francisco Guterres hateten, ICT inovasaun ne’ebe mak durante ne’e estudante sira transforama iha projeto 4.

“Projeto 4 ne’ebe ita transforma ona husi area IT, sira kria website estudante nian, eletrisidade nian promove transformasaun bee bele manual no automatic hanesan bainhira nakonu mate rasik, no menus ense rasik, mekanika automovel konaba halo inovasaun sistema de karegamento de batria, no oinsa utiliza motor ka kareta movimento kontrola ho sistema GPS nian,” Diretor informa.

Nia dehan, ho projeto ne’ebe mak sira hamosu ne’e konsidera hanesan inovasaun foun ne’ebe mak estudante sira iha 2020 nian tanba ne’e husu governo atu fo nafatin oportunidade ba estudante sira hodi aprende no dezenvolve iha area inovasaun.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04