Sábado, Fevereiro 27, 2021
Total visitors: 550453

Polisia Komando Munisipio Dili kaptura ona joven mane nain rua (2) ne’ebe mak halo asalto sexual ba feto nain rua, no tenta atu oho iha Bairu-Pite Dili.

Segundo Komandante Superientendente Euclides Belo hateten, joven nain rua ne’e polisia kaptura flagrante delitu tanba hetan lalais informsaun husi komunidade no polisia to’o kedan fatin akontesimento hodi halo kapturasaun.

Segundo Komandante Superientendente Euclides Belo hateten, joven nain rua ne’e polisia kaptura flagrante delitu tanba hetan lalais informsaun husi komunidade no polisia to’o kedan fatin akontesimento hodi halo kapturasaun.

“Supeito nain rua ne’e halo asalto sexual ba inan feto nain rua depois amiasa atu oho maibe la akonsente tanba polisia to’o lalais fatin akontesimento,” Segundo Komandante Superientendente Belo dehan.

Nia dehan, suspeito nain rua ne’e oras ne’e dadaun iha ona sela komando Munisipio Dili nian hodi halo investigasaun no aprezenta ba primeiro interogatorio depois de sela detensaun 72 oras.

“Hahalok ne’e mak joven nain rua halo ne’e hahalok imoral no hahalok kriminozu tanba ne’e tenke prosesu nune’e bele hatan ba akto krime ne’ebe mak sira komete,” nia hateten.

Tanba ne’e nia dehan, ema sira hanesan ne’e labele husik livre no tenke prosesu tuir dalan legal hodi hetan dezisaun final husi tribunal.

“Husu ba malu balun ne’ebe mak sai vitima ba hahalok imoral sira hanesan ne’e tenke hato’o keixa mai polisia hodi loke ba prosesu,” Segundo Komandante Belo husu.

Entretanto, Diretor Ezekutivo Asistensia Legal ba Feto no Labaraik (ALFELA) Antonio Marques hateten, violensia hasoru feto no labarik, durante ne’e sira halo asistensia hamutuk nain 60 iha Timor-Leste laran.

“Violensia Sexual 50 no abuzu sexual hasoru menoridade 10 ne’e ita akompanha prosesu iha tribunal hotu ona no balun iha ona prizaun,” nia hateten.

Nia dehan, dados ne’ebe ALFELA iha ne’e foti husi tribunal distrital Dili, Baucau, Covalima nune’e mos RAEOA nian ne’ebe mak ekipa husi ALFELA destaka iha ne’eba.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04