Sábado, Junho 19, 2021

Governo liu husi Ministerio Edukasaun Juventude no Desporto (MEJD) integra labarik minoridade hamutuk nain 300 ne’ebe mak faan mantolu iha dalan publiku iha kapital Dili laran ba ensinu rekorente hodi bele asesu ba edukasaun ne’ebe mak adekuado.

Governo liu husi Ministerio Edukasaun Juventude no Desporto (MEJD) integra labarik minoridade hamutuk nain 300 ne’ebe mak faan mantolu iha dalan publiku iha kapital Dili laran ba ensinu rekorente hodi bele asesu ba edukasaun ne’ebe mak adekuado.

Diretor Nasional Ensinu Rekorente (DNER), iha MEJD, Jose Artur Viana hateten, labarik sira ne’ebe mak faan mantolu iha Dili laran ne’e mai husi Reziaun Admistrativo Oecuse-Ambeno (RAEOA) no ministerio iha ona komunikasaun hodi integra labarik sira ne’e tama iha ensinu rekorente nune’e bele asesu ba esdukasaun.

“Durante ne’e labarik sira ne’e sai hela preokupasaun ba Ministerio Edukasaun Juventude no Desporto tanba sira la iha edukasaun ne’ebe mak adekuado, maibe dadaun ne’e preokupasaun ne’e fo duni rezultado ne’ebe mak pozitivo,” nia dehan.

Tanba ne’e nia dehan, labarik menoridade nain 300 ne’e integra ona ba DNER nune’e bele hatama iha ensinu rekorente nune’e sira bele asesu ba edukasaun ne’ebe adekuado hanesan ho labarik sira seluk.

“Dadaun ne’e ita simu ona lista ita hein halo deit preparasaun oinsa prosesu ba labarik hirak ne’ebe hodi asesu ba edukasaun,” nia informa.

Tanba ne’e nia dehan, laraik 300 ne’e idade ne’ebe mak tuir iha banko eskolar la’os atu serviso hodi tulun inan-aman, ne’e responsabilidade inan-aman sira, ne’ebe sitausaun sira ne’e sai preokupasaun bo’ot tanba ne’e diresaun iha responsabilidade hodi rezolve.

Entretanto, Kordenador Rede Edukasaun Timor-Leste Coalition for Educatin (TLCE), Jose Monteiro hateten labarik sira ne’ebe mak lor-loron faan mantolu ida sidade Dili hodi tulun sira nia familia, hatudu katak iha aman la iha responsabilidade hodi fo oportunidade ba oan sira atu asesu ba edukasaun.

“Ita TLCE apoio 100% ba plano ministerio nian ne’ebe mak diak tebes hodi fo oportunidade ba labarik sira ne’e bele asesu ba edukasaun, tanba dala barak ita hare sira hakarak tebes eskola maibe inan aman mak la iha responsabilidade no haruka labarik ne’ebe minoridade halo serviso,” TLCE Monteiro saliente.

Tanba ne’e nia husu ba MEJD, liu-liu iha Diresaun Ensinu Rekorente, tau matan didiak ba estudante sira ne’e, tanba sira iha vontade atu aprende ne’ebe bo’ot tebes maibe sira la iha oportunidade atu aprende maibe ho plano MEJD nian ne’e sira mos bele hetan ona edukasaun ne’ebe adekuado.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04