Quinta, Setembro 23, 2021
Total visitors: 578526

Pontu Fokal Scalling Up Nutrition (SUN) Movement, iha Timor-Leste, Filipe da Costa hateten prioridade intervensaun ne’ebe durante ne’e implementa ba kombate malnutrisaun la refleta ba kondisaun rekursu finanseiru no rekursu humanu ne’ebe iha, tanba ne’e tenke re-defini prioridade hodi foku intervensaun ba grupo alvu.

Pontu Fokal Scalling Up Nutrition (SUN) Movement, iha Timor-Leste, Filipe da Costa hateten prioridade intervensaun ne’ebe durante ne’e implementa ba kombate malnutrisaun la refleta ba kondisaun rekursu finanseiru no rekursu humanu ne’ebe iha, tanba ne’e tenke re-defini prioridade hodi foku intervensaun ba grupo alvu.

“Ita nia intervensaun sira ne’ebe agora ita halo ne’e rekomendadu husi agensia internasional sira, entau barak demais kompara ho ita nia rekursu finanseiru no ema ne’ebe ita iha. Tanba ne’e furak liu ita re-prioritiza atu define ida ne’ebe maka ita halo tuir kondisaun rai laran,” nia hateten hafoin partisipa iha serimonia lansamentu Planu Asaun Nasional Konsolida ba Seguransa Aihan no Nutrisaun (CNAP-FNS) no Enkontru Konsultasaun ho Setores relevantes konaba kontribuisaun Timor-Leste nian ba planu asaun global (GAP) ba prevensaun labarik krekas, iha salaun Placio da Sinzas Kaikoli, Dili.

Nia hateten importante mos atu define grupo alvu ba intervensaun sira hanesan intervensaun ba inan isin rua sira, feto idade reprodutivu sira. No produsaun aihan variedade ne’ebe maka prioridade atu hasa’e produsaun hodi kontribui ba redus malnutrisaun.

Entretantu, Vice Ministru da Saúde, Bonifacio Maucoli dos Reis hateten planu estrategiku nasional seguransa aihan no nutrisaun ne’e, bele orienta liña ministerio sira no parseiru dezenvovlimentu sira dezenvolve planu programa intervensaun sira hodi kontribui redus malnutrisaun iha rai laran.

“Prevensaun malnutrisaun ne’e laos responsabilidade ministerio da saúde nian deit, maibe ministerio hotu hanesan ministerio agrikultura no peskas liga ba seguransa aihan nian, liu-liu hasa’e produsaun. Ami nia papel maka fo tratamentu saúde no hasa’e ema nia konhesementu konaba aihan nutritive atu inan aman hotu matenke eskoilha aihan ne’ebe saúdavel no nutritive ba oan sira,” nia hateten.

Nia konsiente edukasaun promosaun saúde seidauk to’o ba ema hotu, maibe nafatin fo hanoin familia sira hili produtu ne’ebe saúdavel no nutriente ba konsumu familia nian.

Tuir dadus preskiza aihan no nutrisaun tinan 2020, labarik idade tinan lima mai kraik 47% mak sofre malnutrisaun raes badak, 32% todan menus no 8.6% krekas.

Iha parte seluk, Reprejentante UNICEF iha Timor-Leste, Bilal Aurang Zeb Durrani hateten estatistika hatudu taxa malnutrisaun kronika ba labarik sira idade tinan lima mai kraik iha Timor-Leste a’as tebes, no malnutrisaun kronika afeta dezenvolvimentu fisiku no kakutak labarik sira nian.

Nia dehan problema ida ne’e seriu no presiza aproximasaun setor hotu hodi involve ministerio save sira atu halo esforsu koletiva ida ba rezolve no asegura moris diak ba labarik sira nian.

“UNICEF involve no servisu hamutuk ho setor hotu hanesan ministerio da saúde hare liu ba promove susuben inan nian, saneamentu baziku nian,” nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04