Quinta, Março 28, 2024
Total visitors: 766366

Sekretariu Estadu Juventude no Desportu (MEJD) aloka ona orsamentu ho montante $200,000 resin ba konstruasaun projetu desportivu tolu (3) iha kapital Dili inklui kampu tenis meza, kampu multifunsaun no uma nahe biti boot hodi halibur juventude kreativu sira.

Sekretariu Estadu SEJD, Abrao Saldanha hateten orsamentu ne'ebe mak aloka ona ne'e husi Orsamentu Jeral Estadu nian liu-liu ba programa prioridade hodi dezenvolve kampu desportivu iha Dili.

Sekretariu Estadu SEJD, Abrao Saldanha hateten orsamentu ne'ebe mak aloka ona ne'e husi Orsamentu Jeral Estadu nian liu-liu ba programa prioridade hodi dezenvolve kampu desportivu iha Dili.

"Kampu tenis meza ita kontrui iha Universidade Nasional Timor-Leste (UNTL), kampu multifunsi halo iha Taibesi no uma nahe biti boot ita konstrui iha resintu SEJD nian," Sekretariu Estadu Sandanha hateten.

Nia dehan, prosesu kontrusaun ba projetu desportivu tolu (3) oras ne'e dadaun ekipa tekniku sira halo ona kontrusaun kuaze 25% ona, sei remata iha fulan dezembru tinan 2021.

"Orsamentu ne'e mak ita aplika ba projetu desportivu tolu ne'e ho montante $200,000 resin," nia hateten.

Nia dehan, projetu desportivu tolu ne'e kontrui husi kompanha Timor oan rasik, durasaun ba konstrusaun refere iha fulan 7 hahu husi junho mai to'o dezembru tenke finaliza.

Nia informa tan katak, ba tinan ida ne'e sira fo uluk prioridade iha Dili hodi konstrui kampu tenis meza, kampu multifunsaun no uma nahe biti, maibe iha tinan oin sei konstrui mos iha munisipiu ne'ebe mak identika ona.

Entretantu, Prezidente Komisaun G iha Parlamentu Nasional Trata Asuntu Edukasau Juventunde no Desportu no Kultura, Deputado Antonio Verdial hateten dezenvolvinentu iha area desportivu ne'e parte pozitivu ida nune'e bele promove talentu juventude nian iha mundu desportivu.

"Ita hare foin lalais ita nia juventude nain rua ne'ebe mak ba tuir konpetisaun ASEA games iha Malasia, sira manan maske sira la tama to final, maibe ita apresia tebes tanba involvimentu ema ka rua nia lori ona Timor ba partisipa iha mundu internasional," nia dehan.

Tanba ne'e nia husu ba Ministeriu Edukasaun Juventude no Desportu (MEJD) liu-liu Sekretariu Estadu Juventude no Desportu (SEJD), kada tinan tenke tau osan hodi kapasita juventude sira nia talentu iha area desportivu nian hodi bele kompete iha nivel nasional no internasional.