Domingo, Outubro 17, 2021
Total visitors: 584029

Kandidatu traballador husu governu liu-liu Sekretariu Estadu Formasaun Profesional no Empregu (SEFOPE) atu aslera prosesu deslokasaun traballador sira ne'ebe liu ona teste atu bele desloka ba Corea do Sul hodi bele servisu.

Kandidatu traballador husu governu liu-liu Sekretariu Estadu Formasaun Profesional no Empregu (SEFOPE) atu aslera prosesu deslokasaun traballador sira ne'ebe liu ona teste atu bele desloka ba Corea do Sul hodi bele servisu.

Porta Voz Kandidatu Traballador Timor-Leste ba Corea, Filipe Kotorze, hateten joventude ne’ebe mak durante tuir ona lian Korea no tuir ezame iha sistema EPS, tinan 2019-2020 pasa no sai ona kanditadatu traballador atu ba servisu iha Korea do Sul hamutuk nain 500 resin maibe to’o agora seidauk bele desloka.

Nia dehan, joventude nain 500 resin ne'e tuir ona ezame no pasa ona hahu husi tinan 2019-2020 lista no kontratu kandidatu traballador sira iha ona maibe nia kestiona tanba saida mak seidauk bele ba servisu iha Corea.

"Ami kandidatu hirak ne'e husu governu atu bele aslera lalais ami nia prosesu deslokasaun tanba kontratu ne'ebe ami hetan balun durasaun servisu ne'e tinan rua deit," Portavoz Kotorze hateten.

Nia dehan, rekejitos ne'ebe mak governu fo ne'e kandidatu sira prense hotu ona, hanesan kompleta inklui vasina Astrazeneca, maibe ate agora seidauk iha informasaun husi governu.

"Ami husu atu aslera lalais ami nia deslokasaun nune'e ami bele alkansa ami nia objetivu ne'ebe mak ami hakarak," nia hateten.

Alende ne'e nia dehan traballador husi nasaun seluk ne'ebe mak sira tuir teste humutuk hanesan, Filipina, Tailandia, Vietnam, Kambodia oras ne'e dadaun sira servisu ona iha Corea do Sul.

Entretantu, Diretor Geral SEFOPE, Paul Alves, rekonhese katak kontratu no rekezitos ba traballador sira ne'ebe mak liu ona teste governu Corea do Sul haruka ona mai iha SEFOPE.

"Tuir lolos ne'e ita nia traballador hirak ne'e aranka ona maibe tanba situasaun Covid-19 ne'e mak ita adia fali sira nia deslokasaun ne'e," DG Alves hateten.

Tanba ne'e nia husu ba traballador sira atu pasiensia oituan no governu Timor-Leste no Corea do Sul sei esforsu hodi prosesu deslokasaun molok fulan dezembru sira desloka ona ba Corea do Sul.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04