Domingo, Outubro 17, 2021
Total visitors: 584029

Ministerio da Saúde (MdS) servisu hamutuk Organizasaun Fundu Nasoens Unidas ba Labarik (UNICEF) hahu halo sosializasaun informasaun konaba vasina COVID-19 Pfrizer ba komunidade, liu-liu inan aman no profesores atu enkoraja labarik sira simu vasina tanba vasina mak dalan efetivu liu hodi prevene propagasaun pandemia no atu minimiza insidensia mortalidade.

Ministra da saúde, Dra. Odete Maria Freitas Belo hateten dadaun ne’e governu ho parseru UNICEF esforsu hela halo akizasaun ba ekipamentu korente malirin ho temperature menus 80 derajat Celsius hodi armazena vasina pfrizer iha armazen central no rejional sira.

Ministra da saúde, Dra. Odete Maria Freitas Belo hateten dadaun ne’e governu ho parseru UNICEF esforsu hela halo akizasaun ba ekipamentu korente malirin ho temperature menus 80 derajat Celsius hodi armazena vasina pfrizer iha armazen central no rejional sira.

“Vasina Pfrizer ne’e ami defini sei fo ba labarik sira idade tinan 12 ate 17, sira ne’ebe kompleta ona tinan 18 simu AstraZeneca. Entaun ita sei involve profesores sira tanba idade tinan 12 ate 17 ne’e labarik sira iha eskola tanba ne’e ami kordena ona ho ministerio edukasaun, eskola, profesores atu hare labarik hira maka hetan vasina,” nia hateten iha Palacio da Sinzas Kaikoli, Dili.

Nia hateten tuir planu vasina pfrizer doasaun husi COVAX Facility sei to’o iha semana ikus fulan Setembru ou tarde liu inisiu fulan Outobru tinan 2021, tanba ne’e ekipa halo ona kordenasaun ho eskola sira atu identifika grupo alvu sira.

Iha parte seluk, Reprejentante UNICEF, iha Timor-Leste, Bilal Durrani hateten atividade edukasaun sira lao hela hodi hein preparasaun logistika ba implementasaun vasina Pfrizer iha Timor-Leste tanba kapasidade armazena seidauk bele armazena produtu vasina pfrizer.

“Ami sosa ona ekipamentu korente malirin unidade hat, espera sei to’o mai iha semana ikus fulan Setembru ne’e. Wainhira ita iha ona frizer ho temperatura ultra konjelada iha armazen SAMES no armazen rejional sira atu armazena vasina pfrizer ho seguru. Hodi minsiterio saúde nia naran UNICEF inisia ona akizasaun vasina Pfrizer 1.26 millaun dose ba faze primeru, ne’ebe sei to’o iha inisiu fulan Outobru tinan 2021,” nia hateten.

Nia dehan sira mos dezenha ona material edukasaun konaba vasina Pfrizer ho lingua ne’ebe simples atu ajuda ekipa sosializa ba inan aman sira, profesores sira no foinssa’e sira atu intende benefisiu vasina. No sira mos produs informasaun konaba vasina espesifiku ba defisiente matan sira.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04