Sexta, Janeiro 21, 2022

Diretora Servisu Saúde Munisipiu Dili, Agustina da Costa Segurado hateten labarik idade tinan 12 ate menus 18 iha munisipiu Dili, hamutuk nain 33,350 husi total 42,000 resin mak simu ona vasina Covid-19 Pfizer dose premeru.

Diretora Servisu Saúde Munisipiu Dili, Agustina da Costa Segurado hateten labarik idade tinan 12 ate menus 18 iha munisipiu Dili, hamutuk nain 33,350 husi total 42,000 resin mak simu ona vasina Covid-19 Pfizer dose premeru.

Nia dehan dose segundu foin atinji 15%, tanba durante semana ida atividade kampanha vasina iha eskola sira lahalao rajaun estudante sira halao hela exame pasajen nian, maibe sei hahu hikas semana oin iha loron 27 fulan Novembru.

“Hahu loron 27 fulan Outubru to’o hodiseik numeru ne’ebe ita atinji labarik 33,350 resin mak fo ona dose premeru. No dadus hatudu laiha reasaun adverse ne’ebe grave, iha sira barak kuaze nain 25 mak hetan reasaun adverse moderadu tanba ne’e ekipa mediku iha postu vasina no nasional atende sira iha postu no lori to’o iha sentru saúde hodi hetan atendimentu no rekupera hikas,” nia hateten iha Portu Dili.

Nia hateten iha kazu ida rua ne’ebe depois simu vasina Pfizer semana ida hetan reasaun adverse ekipa refere kedas ba hospital nasional hodi hetan atendimentu espesializadu no kontinua simu dose segundu hafoin hetan rekuperasaun.

Nia hatutan sira mos planu ona atu halo kampanha vasinasaun ba iha postu administrativu Atauro tanba dadus ne’ebe iha labarik idade tinan 12 ate menus 18 hamutuk nain 2,203 mak elijivel simu vasina Pfizer.

Nia infoma dadus estatistika ne’ebe rekolha husi Ministeriu Edukasaun Joventude no Desportu (MEJD) no Ministeriu da Saúde total labarik idade tinan 12 ate menus 18 iha munisipiu Dili hamutuk 42,000 resin kompostu husi 34,000 estudantes no 6,000 resin la eskola.

Iha parte seluk, estudante Raquela da Silva hateten kongratula governu ne’ebe halo esforsu makas lori vasina ne’e mai iha timor hodi protese labarik sira husi moras Covid-19.

Nia dehan antes simu vasina sira foti uluk formulariu karta aseitasaun hodi prense no fo ba inan ou aman asina tanba la asina sei la simu vasina, entau inan aman sira mak tenke fo korajen ba oan sira simu vasina Covid-19.

“Hau simu tiha ona dose premeru agora atu simu dose segundu. Hau simu tiha vasina sente liman mak moras deit kondisaun diak hela laiha problema seluk,” nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04