- Publika iha: 10 Maio 2022
Atleta nain 38 tuir modalidade lima (5), atletismu, taekwondo, boxing, karate, hit besi, no football desloka ona hodi pastisipa iha kompetisaun rejional Sudeste Asiatiku SEA GAMES, iha nasaun Vietnam.
Sekretariu Sekretaria Estadu Juventude e Despostu (SEJD), Abrao Saldanha Nokosiko dehan, atleta nain 38 ne’e selesionado hotu iha modalidade 5 ne’e tanba sira selesionado husi kampionato nasionais no liga nasionais.
“Ita nia atleta nain 38 ne’e aranka ona ba Vietname hodi prepara ba kompetisaun SEA GAMES ne’ebe sei realiza iha dia 11 de maio semana oin,” nia hateten.
Tanba ne’e nia husu ba atleta sira tenke kompete ho dignidade tanba reprezenta Timor-Leste liu husi jogu iha mundo internasional tanba ne’e orgulho tebes.
Entretanto, Prezidente Komisaun B, trata Asunto Edukasaun Juventude no Desporto iha Parlamento Nasional, Deputado Antonio Verdial agradese esforso tomak SEJD nian, no tekniku treinador sira, tanba prepara ona joven sira hodi reprezenta Timor iha SEA GAMES.
“Husu ba atleta sira partisipa ho kualidade hatudu komportamento ne’ebe diak iha jogu, lakon ka manan estado Timor-Leste nafatin orgulho tanba bele partisipa ona iha jogu internasional,” Deputado Verdial hateten.
Maibe espera katak husi modalidade 5 refere, ne’e fiar katak Timor sei tama iha klasifikasaun tanba ne’e koragem nafatin sira hodi hatudu jogu ne’ebe mak diak iha SEA GMAES iha Vietnam.