Segunda, Junho 24, 2024
Total visitors: 766366

Diretora Ezekutiva Fokupers, Maria Fatima Pereira, dehan durante ne’e kada fulan fokupers fó asisténsia ba vítima hamutuk na’in 25 iha uma mahon labarik.

Diretora Ezekutiva Fokupers, Maria Fatima Pereira, dehan durante ne’e kada fulan fokupers fó asisténsia ba vítima hamutuk na’in 25 iha uma mahon labarik.

Nia dehan, labarik hirak ne'e sai vítima ba violensia fiziku husi aman, tratamentu ne’ebé la justu, liu-liu husi fen-laen ne’ebé mak divorsiu.

"Kada fulan ita fó asisténsia integrada hamutuk ba vítima 25 iha uma mahon labarik," nia informa.

Nia dehan, vítima hirak ne'e maioria ho idade adolesente, balun ne’ebe identifika kazu krime Fokupers halo prosesu tuir dalan legal.

"Iha ne'e, ita identifika krime iha nain 9 no suspeitu hirak ne'e ita prosesu ona ba tribunal hein de’it prosesu kontinuasaun," Diretora Ezekutiva Fokupers Pereira hateten.

Iha parte seluk, inan ho inisial JG dehan, nia triste tebes tanba durante semana 2 ona nia oan iha de’it uma mahon no la fila uma, tanba sei trauma hela ho violénsia fiziku ne’ebé mak nia aman halo hasoru nia.

"Hau-nia oan, ha’u rasik mak lori nia mai hetan asisténsia iha uma mahon. Nune’e labarik ne'e atu bele rekopera fila fali nia mentalidade, tanba trauma," nia informa.

Nia informa, maske nia oan dadaun ne'e iha hela uma mahon, maibé nafatin ba eskola hanesan bai-bain.