- Publika iha: 09 Outubro 2024
Governu Timor-Leste, ho apoiu hosi Alínguasa Vasina (Gavi), Governu Austrália, Fundu Nações Unidas ba Labarik (UNICEF) no Organizasaun Mundiál Saúde (OMS), halo lansamentu ba vasina Virus Papiloma Umamu (HPV) hodi suporta prevensaun kankru servís entre feto no labarik feto sira ne'ebé idade 11-14.
Iha okaziaun ne'e Primeiru-Ministru Kayrala Xanana Gusmão hateten, vasinasaun HPV ne'e prioridade liuba feto ho idade 11-14.
"Vasinasaun HPV ne'e prioridade liuba feto no labarik-feto sira ne'ebé ho idade 11-14, tanba ne'e bainhira atu halo vasinasaun ne'e presiza halo kooperasaun ho liña ministériu hotu liuliu halo koordenasaun ho Sekretáriu Estadu Igualdade Jéneru no Ministériu Administrasaun Estatal, atu nune’e bele fó hanoin ba autoridade lokal sira iha Timor laran tomak kona-ba vasinasaun HPV ne'e," dehan PM iha serimónia lansamentu vasinasaun HPV, iha Palácio Prezidenti Aitarak-Laran, Díli.
Nia hatutan, atu komplementa introdusaun ba vasina foun ida-ne'e, Ministériu Saude sei hala'o sesaun sensibilizasaun intensivu iha nivel komunidade no mídia nian hodi hasa'e konsiénsia públiku.
Iha fatin hanesan Reprezentante OMS, Dr Arvind Mathur hateten, Vasinasaun HPV Ho doze úniku oferese protesaun saúde kontra kankru servís no vasina ne'e seguru no efetivu-aseguradu.
“Vasina HPV hanesa n atinjimentu signifikativu la’ós de’it iha jornada Programa Imunizasaun, maibé mós ba sira-nia komitmentu ba prevensaun kankru servís iha Timor-Leste,” nia esplika
Nia hatutan, pesoal saúde sira ne’ebé treinadu ona atu ba halo vasina HPV ba labarik ho idade 11-14, sira primeiru tenke servisu hamutuk ho profesór no komunidade hodi fahe informasaun atu komunidade sira bele komprende oinsa atu halo prevensaun ba moras kankru servís ne’e.