Terça, Novembro 24, 2020
Total visitors: 536534

Ministerio da Saúde (MdS) no Komisaun Funsaun Publika (KFP) halo diskusaun hodi forma ekipa elabora rekezitus promosaun kareira ba profesionais saúde sira, ne’ebe sei halao iha tempu badak.

Presidente KFP, Faustino Cardoso hateten dekretu lei no 5/2019 kona ba regime promosaun iha administrasaun publika fo mos oportunidade ba funsionario regime espesial sira atu hetan promosaun.

Presidente KFP, Faustino Cardoso hateten dekretu lei no 5/2019 kona ba regime promosaun iha administrasaun publika fo mos oportunidade ba funsionario regime espesial sira atu hetan promosaun.

“Ohin ami koalia kona ba rekezitus ne’ebe iha ba rejime jeral. Rejime espesial ne’e oioin deit entaun presiza iha ekipa teknika ida atu hare rekezitus rejime espesial nian no liga ho rejime jeral atu iha kompatibilidade bele aplika ba hotu-hotu. Ne’e asuntu importante ida,” nia hateten hafoin halo enkontru ho ministra saúde no diretores sira iha salaun ministerio da saúde Caicoli, Dili.

Nia dehan, sira mos koalia kona ba progresaun mudansa kareira, katak funsionario sira ne’ebe hetan avaliasaun dezempena muito bom tutuir malu iha direitu hetan progresaun ho konsekuensia salario mos sa’e oituan husi minimu $4 dolar no maximu $17 dolar.

Nia haktuir, profesionais saúde sira nia avaliasaun dezempenhu ne’e ketak, liu-liu espesialista sira tanba ne’e presiza hare hamutuk rekezitus sira ne’e atu bele responde ba ejijensia legal ne’ebe iha.

Nia hatutan, sira mos koalia kona ba posiblidade atu halo alterasaun ba dekretu lei no 13/2012 konaba regime espesial ba setor saúde nian tanba iha artigu balun ne’ebe la aplikavel hanesan artigu ida bandu mediku sira halo pratika iha klinika privado, maibe akontese hela.

“Sira ba pratika iha klinika sira buka atu asegura sira nia moris, valorizasaun ba espesialidade, lakohi lakon oportunidade pratika kuñesementu tekniku profisional ne’ebe hetan no fo opsaun alternative ba publiku atu hetan atendiementu lalais, maibe ida ne’e kabe ba ministerio da saúde atu hare ida ne’e,” nia hateten.

Iha parte seluk, Diretora Nasional Rekursu Humanu iha Ministerio da Saúde, Tomasia de Sousa hateten antes ne’e sira forma ona ekipa halo verifikasaun ba dadus profesionais saúde sira nian atu halo proposta promosaun kareira.

“Enkontru ida ohin ne’e positivu tebes ba ministerio da saúde atu hare ona ami nia profesionais saúde hesan mediku jeral, mediku espesialista, enfermeiru, parteira no tekniku aliadu sira nia direitu tuir lei ne’ebe iha tanba lei hateten sira iha direitu atu hetan promosaun ba sira nia kareira,” nia hateten.

Nia dehan, sira hetan ona orientasaun husi ministra no presidente KFP atu forma ekipa dezenvolve rekezitus atu asegura prosesu implementasaun lao ho diak, liu-liu identifika duni funsionario ne’ebe merese hetan promosaun.

Nia informa, tuir baze dadus total profesionais saúde, inklui mediku jeral, espesialista, enfermeiru, parteira no tekniku aliadu, ne’ebe halao knar profesional iha fasilidade saude sira hahu husi postu saúde to’o hospital nasional hamutuk nain 3,700 resin.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04