Terça, Janeiro 19, 2021
Total visitors: 543636

Diretora Jeral Prestasaun Servisu Saúde, iha Ministerio da Saúde (MdS), Dotora Odete da Silva Viegas hateten kada tinan sira halo enkontru avaliasaun ho empreza importador no distributor medikamentu sira atu harmoniza no hadia kordenasaun servisu hodi garantia medikamentu ne’ebe seguru no sufisiente ba komunidade sira.

Diretora Jeral Prestasaun Servisu Saúde, iha Ministerio da Saúde (MdS), Dotora Odete da Silva Viegas hateten kada tinan sira halo enkontru avaliasaun ho empreza importador no distributor medikamentu sira atu harmoniza no hadia kordenasaun servisu hodi garantia medikamentu ne’ebe seguru no sufisiente ba komunidade sira.

Nia dehan, enkontru ne’e sei hare liu kona ba regulamentus no rekezitus sira ne’ebe estabelese ona atu empreza importador no distributor tenke kumpri, maibe dala barak empreza sira mos hasoru dificuldade tanba ne’e importante atu hadia kordenasaun servisu sira hodi garantia populasaun sira hetan asesu ba medikamentu.

“Sorumutu ne’e halao kada tinan atu harmoniza servisu sira no hadia diak liu tan mekanismu kordenasaun atu hatama produtu aimoruk ne’ebe ministerio saúde husu tanba importador no distributor sira hola parte mos iha servisu ida ne’e,” nia hateten bainhira partisipa iha ekontru avaliasaun servisu farmasia nian iha salaun Palacio da Sinzas Kaikoli, Dili.

Nia dehan, tuir dekretu lei no 12/2004 kona ba atividade Farmacia iha rekejitus 17 ne’ebe empreza sira tenke prense, bainhira hakarak halo importasaun aimoruk mai timor no distribui aimoruk iha rai laran.

Nia haktuir, rekejitus importante mak dokumentu empreza nian, fatin, rekursu humanu tenke espesialidade ba area farmasia nian no tenke selu taxa.

Nia hatutan, empreza sira ne’ebe la prense rekezitus sei lahetan lisensa atividade importasaun no distribuisaun medikamentu iha rai laran no sira ne’ebe hetan ona, maibe viola regulamentu sira sei hetan sansaun koimas tuir lei haruka.

Nia informa, total empreza importador aimoruk ne’ebe servisu hamutuk ho ministerio saude iha empreza 21, no empreza distributor iha 24.

Iha parte seluk, Diretor Empreza Bethesda, Melki hateten durante ne’e sira kumpri regulamentu no rekezitus sira ne’ebe fo sai husi ministerio da saúde liu husi departamentu farmasia no medikamentu, maibe iha mos obstaklu barak ne’ebe sira hasoru.

“Obstaklu sempre iha, maibe ami sempre halo kordenasaun ho ministerio da saúde. Hanesan problema dokumentu ne’ebe ami difisil hetan tanba iha standar ne’ebe mai husi fabrika bo’ot sira mak dokumentu kuantidade minimu, maibe iha Timor nesesidade ki’ik entaun ami empreza tenke hanoin atu bele hatama aimoruk ne’e,” nia hateten.

Nia dehan, prosesu ne’ebe durante ne’e sira halo mak sira sumbete lista produtu medikamentu ne’ebe atu hatama mai ba diresaun nasional farmasia no medikamentu iha ministerio da saúde atu hetan autorizasaun. Nia haktuir governu autoriza ona produtu sira ne’e mak foin prosesa iha diresaun Alfandega atu selu taxa hodi importa medikamentu sira ne’e mai.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04