Sábado, Fevereiro 27, 2021
Total visitors: 550453

Ministra da Saúde, Doutora Odete Maria Freitas Belo hateten Organizasaun Mundial Saúde (OMS) rekomenda vasina oin tolu atu bele uza iha nasaun sira ho rendimentu altu no mos rendimentu mediu hanesan Timor-Leste, maibe governu sei sosa vasina ida ne’ebe apropriado ho kondisaun real Timor-Leste nian tanba vasina balun presiza rai iha temperatura ne’ebe ki’ik liu.

Ministra da Saúde, Doutora Odete Maria Freitas Belo hateten Organizasaun Mundial Saúde (OMS) rekomenda vasina oin tolu atu bele uza iha nasaun sira ho rendimentu altu no mos rendimentu mediu hanesan Timor-Leste.

“Vasina iha oin tolu, ne’ebe ita tenke hare ida ne’ebe apropriado ho ita nia kondisaun tanba vasina balun tenke rai iha temperatura ne’ebe ki’ik liu, no ita nia iha ne’e temperatura menus husi 2 to’o menus husi 8. Entaun ita hare took ida ne’ebe mak diak ho temperatura ita nian mak ita sosa,” nia hateten iha Palacio Governu, Dili.

Nia dehan, alvu ba vasina ida ne’e mak sidadaun sira ne’ebe halao servisu iha linha frente hanesan profesionais saúde sira, pesoal servisu alfandega, membru polisia no sidadaun sira ne’ebe vulneravel tanba sofre moras kronika sira hanesan diabetes, tubercolouse, no seluk tan.

Nia hatutan, kona ba orsamentu atu sosa vasina ne’e 20% sei kobre husi GAVI no 80% husi governu rasik. No ekipa taskforce kompostu husi linha ministerio sira no parseiru dezenvolvimentu sira hare hela atu bele halo kompras no prepara kondisoens sira hotu ba implementasaun.

Antes ne’e, Koordenadora Jeral ba Komisaun Ezekutivu Saúde Ba Surtu COVID-19, Dotora Odete da Silva Viegas deklara ona rekomendasaun husi OMS katak vasina ne’ebe diak liu atu bele uza iha Timor-Leste mak vasina AstraZeneca, vasina ne’ebe dezenvolve husi University of Oxford.

Iha parte seluk, embaixador Australia iha Timor-Leste, Peter Roberts hateten governu Australia iha komitmentu bo’ot atu apoia ministerio da saúde hodi implementa vasina COVID-19 iha rai laran.

“Ho vasina covid-19 nian iha oin mai ami iha komitmentu kontinua apoia ministerio da saúde nia prioridade no ami prontu servisu hamutuk ho ministerio saúde ba implementa vasina, bainhira prontu ona,” nia hateten.

Nia dehan, setor saúde sai hanesan prioridade ba koperasaun entre nasaun Australia no Timor-Leste tanba ne’e sira kontinua apoia prioridade hotu ministerio da saúde nian atu haforsa sistema saúde iha rai laran hodi garantia atendimentu saúde ne’ebe kualidade ba ema hotu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04