Sábado, Fevereiro 27, 2021
Total visitors: 550453

Membru Parlamentu Nasional, Deputada Maria Barreto preokupa kauze 100 resin items aimoruk vital, esensial no nesesario mak stok out ou laiha tanba agora tempu udan monu rai moras barak no pasiente sira presiza hemu aimoruk atu kura sira nia moras.

Membru Parlamentu Nasional, Deputada Maria Barreto preokupa kauze 100 resin items aimoruk vital, esensial no nesesario mak stok out ou laiha.

Nia konsidera, situasaun ida ne’e seriu tanba metade items aimoruk ne’ebe iha lista medikamentu ne’ebe presiza mak laiha.

“Ita hasoru dezafiu no problema bo’ot mak agora dadaun ita iha stok out ba aimoruk ne’ebe mak ho items hamutuk 154 inklui aimoruk sira esensial ne’ebe prioridade ba pasiente no ita hotu iha Timor-Leste,” nia hateten iha plenaria parlamentu nasional.

Nia dehan, iha tinan kotuk 2020, liu husi fundu COVID-19 governu asina akordu ho UNDP hodi sosa medikamentu no ekipamentu sira, maibe realidade metade items medikamentu laiha iha armajen nasional.

Entretantu, Deputada Luisa Taeki hateten iha Hospital Nasional Guido Valdares (HNGV) kuaze 36% husi 145 items aimoruk laiha tanba ne’e husu governu tenke hare ida ne’e ho urgente.

“Aimoruk esensial iha hospital ne’e perigu tebes tanba aimoruk lorloron tenke fob a pasiente sira, bainhira ita hatene katak kazu sa’e makas stok out aimoruk mos sa’e makas oinsa, ita nia preokupasaun liga ho COVID-19,” nia hateten.

Nia dehan, tuir rezultado feskalizasaun komisaun F asuntu Saúde nian hare katak stok ou laos deit iha hospital nasional, maibe iha sentru saúde no hospital referral sira iha munisipio.

Iha parte seluk, Diretór Executivu Servisu Autonomia Medikamentu Ekipamentu Saúde (SAMES), Santana Martins rekonhese akontese stok out ba medikamentu tanba kuaze 36,6% husi total 450 items medikamentu ne’ebe presiza tuir lista mak laiha.

Nia dehan, iha tinan kotuk 2020, liu-liu akordu entre governu no UNDP hatama duni aimoruk emergensia items balun ligadu ho COVID-19, maibe ho kuantidade ne’ebe ki’ik tanba ne’e stok out.

“Solusaun mak ami iha kontratu lokal ho empreza nasional sira no ami hasai ona karta ba kompanhia sira atu responde ba items aimoruk sira ne’ebe stok out,” nia hateten.

Nia dehan, sira mos hahu ona prosesu aprovisionamentu ho orsamentu 2021 nian atu sosa medikamentu sira, maibe dezafiu bo’ot ne’ebe hasoru mak transportasaun medikamentu sira ne’e mai husi liur tanba pontu entrada sira taka hotu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04