Quarta, Julho 28, 2021
Total visitors: 570656

Diretora Jeral Prestasaun Servisu Saúde, iha Ministerio da Saúde, Doutora Odete da Silva Viegas hateten profesional saúde hamutuk 1,736 maka treinadu atu fo atendimentu vasina Covid-19 ba populasaun sira iha rai laran.

Diretora Jeral Prestasaun Servisu Saúde, iha Ministerio da Saúde, Doutora Odete da Silva Viegas hateten profesional saúde hamutuk 1,736 maka treinadu atu fo atendimentu vasina Covid-19 ba populasaun sira iha rai laran.

Nia salienta forsa servisu ne’ebe iha sufisiente hela atu bele implementa kampanha vasinasaun Covid-19 iha rai laran, maibe kuantidade vasina bo’ot maka sei iha posiblidade aumenta atu bele aselera atendimentu ho diak.

“Rekursu humanu ita sufisiente, ba deit vasina iha nivel nasional ita iha ema ne’ebe bein treinadu hamutuk 1,736. Ema hira ne’e kompostu husi mediku, enfermeiru, parteira no tekniku aliadu sira. No ho kampanha vasina Sinovac ne’e ita aumenta tan ema nain 65 atu hare los ba vasinasaun Sinovac,” nia hateten iha Colmera, Dili.

Nia hateten ema hira, liu-liu ekipa liña frente ne’ebe simu ona vasina AstraZeneca doze dahuluk iha fulan Abril tinan 2021, dadaun ne’e simu doze segundu. No vasina AstraZeneca doze dahuluk hahu lansa ona iha munisipiu sira, ne’ebe fo prioridade ba sidadaun idade 60 ba leten no sira ne’ebe ho moras kronika.

Iha oportunidade ne’e nia husu sidadaun sira atu kumpri data ne’ebe profesional saúde sira deside hodi fo espasu ba doze dahuluk no segundu, labele ansi simu doze segundu atu vasina ne’e bele efetivu reforsa sistema imunidade hasoru infesaun virus Covid-19.

Nia informa vasina AstraZeneca nia espasu husi doze dahuluk ba doze segundu presiza semana walu, katak simu tiha doze dahuluk hein to’o semana walu foin bele simu fali doze segundu. No vasina Sinovac nia espasu husi doze dahuluk ba doze segundu semana hat.

Iha parte seluk, Diretora Ezecutivu Institutu Nasional Saúde (INS), Domingas da Costa Pereira hateten iha tinan kotuk sira fo ona formasaun ba profesional saúde nain 1,736 konaba vasinasaun Covid-19 tanba ne’e sira ne’e preparadu atu implementa kampanha vasinasaun Covid-19.

“Ida ne’e sira nia servisu lorloron, maibe ita fo hanoin sira no fo informasaun konaba doze ne’e hira, sona iha ne’ebe, oinsa registu atu hetan dadus ne’ebe klaru no intervensaun sira konaba reasaun adverse sira, ne’e maka ita fo ba sira,” nia hateten.

Nia dehan formasaun ne’ebe sira fo iha setor saúde, ne’e bazea ba guia ne’ebe ministerio da saúde produs no nesesidade ne’ebe iha tanba ne’e tinan kotuk sira fo formasaun barak liu konaba Covid-19 nian.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04