Domingo, Outubro 17, 2021
Total visitors: 584029

Ministra da saúde, Dra. Odete Maria Freitas Belo hateten governu nafatin esforsu halo jestaun ba doasaun sira husi parseru hodi fortalese kapasidade no protidaun servisu armazenamentu medika iha nivel rejional atu garantia kualidade produtu mediku sira ne’ebe presiza rai iha fatin malirin, liu-liu produtu vasina.

Ministra da saúde, Dra. Odete Maria Freitas Belo hateten governu nafatin esforsu halo jestaun ba doasaun sira husi parseru hodi fortalese kapasidade no protidaun servisu armazenamentu medika iha nivel rejional.

Nia salienta governu Japaun liu husi parseru UNICEF entrega tan doasaun ekipamentu korente malirin refrijerador bo’ot hat ho nia asesoriu sira, ne’ebe sei instala iha armazena rejional Bobonaro, Ainaro, Baucau no Rejiaun Administrativu Espesial Oecusse Ambeno (RAEOA) hodi asegrua armazenamentu vasina no distribuisaun ba munisipiu no fasilidade saúde sira.

“Ami servisu hamutuk ho minsiterio obras publika, liu-liu EDTL.EP atu asegura katak iha tempu Covid-19 ita iha produtu barak ne’ebe presiza eletrisidade, entau sira tenke halo jestaun diak atu asegura eletrididade iha munisipiu sira no fatin malirin ne’ebe maka presiza energia ho kapasidade bo’ot,” nia hateten hafoin simu doasaun husi governu Japaun iha armazen central Kampung Alor, Dili.

Nia dehan opsaun seluk mak governu liu husi fundu Covid-19 tau mos osan hodi halo kompras ba jelador sira atu instala iha armazen regional sira no fasilidade saúde sira hodi asegura, wainhira eletrisidade publika mate tanba produtu medika balun ne’ebe ahi mate minute ida deit bele estragus.

Nia hateten korente malirin sira ne’e atu rai produtu vasina rutina sira ba labarik no inan isin rua sira, vasina Covid-19 tipu AstraZeneca no Sinovac, produtu laboratorio sira nian.

Entretatu, Diretura Executiva Servisu Autonom Medikamentu no Ekipamentu Mediku (SAMES), Santana Martins hateten durante ne’e produtu sira ne’ebe presiza rai iha fatin malirin armazena deit iha armazen sentral tanba kapasidade armazen regional la adekuadu atu rai produtu sira ne’e no problema eletrisidade.

“Durante ne’e ita identifika nesesidade ne’e seidauk koresponde, entau produtu malirin sira sentraliza iha Dili, maibe ho esforsu sira ne’ebe ita halo ho apoia parseru ita sei lori produtu vasina, laboratoriu nia items no aimoruk balun ne’ebe presiza tau iha malirin ba iha ne’eba,” nia hateten.

Nia hateten sira mos aloka ona orsamentu iha tinan 2021, atu halo rekrutamentu funsionario hamutuk 66 atu destaka iha armazen rejional sira, wainhira ekipamentu sira instaladu hotu ona.

Iha parte seluk, Embaixador Japaun iha Timor-Leste, Masami KINEFUCHI hateten sira oferese ona asistensia substansial oioin ba prioridade governu nian luta hasoru Covid-19, ho total orsamentu $16 milhaun liu husi JICA, UNICEF, ADB, UNDP no NGO sira seluk atu apoia governu nia esforsu.

Nia dehan sira apoia ona vasina AstraZeneca hamutuk 168.000 dose, maibe atu implementa programa vasinasaun presiza estabelesementu korente malirin hodi distribui vasina ho seguru tanba ne’e projeitu segundu ho orsamentu $1.2 milhaun dollar amerikanu sira husu UNICEF sosa tan sala malirin 4, estabilizadores tensaun 5, etiquetas geladeira hodi monitoriza temperature 500 no laptop 20 atu utiliza iha armazena rejional sira.

“Hau sinseramente espera katak ho kompetensia UNICEF nian, asistensia adisional Japaun nian ida ne’e sei sai projetu seluk tan ne’ebe efetivu no fo benefisiu ba povu Timor-Leste ninia bem-star,” nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04