Sexta, Janeiro 21, 2022

Governu Australia servisu hamutuk ho agensia UNICEF entrega kareta operasional unidade 21 ba ministerio da saúde hodi reforsa servisu implementasaun no monitorizasaun programa vasinasaun Covid-19 no vasinasaun regular ba inan no bebe foin moris iha teritorio nasional.

Ministra da Saúde, Doutora Odete Maria Freitas Belo hateten transporte ne’e sei fahe ba munisipiu sira hotu hodi asegura distribuisaun produtu vasina ba postu vasinasaun sira ne’ebe planeadu ona tanba durante ne’e sira enfrenta limitasaun ba transporte atu apoia servisu logistika nian.

Ministra da Saúde, Doutora Odete Maria Freitas Belo hateten transporte ne’e sei fahe ba munisipiu sira hotu hodi asegura distribuisaun produtu vasina ba postu vasinasaun sira ne’ebe planeadu ona tanba durante ne’e sira enfrenta limitasaun ba transporte atu apoia servisu logistika nian.

“Loos duni iha munisipiu balun ita nia kobertura atinji ona 80%, maibe iha balun mos ita presiza servisu makas ho rekursu ne’ebe iha hasa’e kobertura. Kobertura ne’ebe iha dose dahuluk ita bele halo, maibe dose segundu ki’ik tebes. Ita espera katak dose segundu ema ne’ebe hetan kompletu bele atinji 70% husi ita nia populasaun, ho nune’e virus ne’e transmite mos ita konsidera Covid-19 hanesan moras infesaun respiratoriu aguda ne’ebe labele lori ita ba mate no moras todan baixa iha hospital,” nia hateten hafoin simu doasaun kareta 20 husi governu Australia iha Kaikoli, Dili.

Nia dehan surtu Covid-19 afeta tebes programa vasinasaun rutina sira tanba ekipa tenke asegura implementasaun vasinasaun Covid-19 ba populasaun adulto idade tinan 18 ba leten no labarik sira idade tinan 12 ate 17.

Nia konsiente numeru kazu infesaun Covid-19 foun redus ona, maibe nafatin apela ba populasaun hotu atu kumpri protokolu prevensaun hanesan uza masker, fase liman, halo distansiamentu fisiku no social tanba virus ne’e sei sirkula hela iha rai laran.

Iha parte seluk, Embaixadór Australia iha Timor-Leste, Peter Roberts kongratula governu nia servisu makas hodi atinji kobertura vasinasaun Covid-19 ne’ebe diak tebes tanba populasaun elejivel tinan 18 ba leten pursentu 67,6 mak simu ona vasina, maibe ho apoia ida ne’e bele reforsa taan servisu iha baze hasa’e kobertura vasina ba ema hotu.

Nia dehan kareta sira ne’e mak hanesan Toyota Hilux 13 hodi apoia atividade imunizasaun iha 12 munisipiu inklui Rejiaun Administrativu Espesial Oecusse Ambeno (RAEOA) no kareta tolu apoia Instituisaun Publika Servisu Autonomia Medikamentu no Ekipamentu Saúde (SAMES, I.P) halo distribuisaun ba produtu sira, kareta Truk Box lima ba armajen regional sira hodi halo distribuisaun ba produtu farmasiotika sira husi servisu saúde munsipiu ba fasilidade sentru saúde sira.

“Espera katak apoia hira ne’e bele tebes tulun ministerio da saúde hodi haforsa sistema saúde liu husi hasa’e kobertura imunizasaun nian iha Timor-Leste,” nia hateten.

Nia hateten sira mos entrega taan ekipamentus mediku nian no Ekipamentu Protesaun Pesoal ba SAMES atu bele tulun profesionais saúde sira halo atendimentu ba pasiente Covid-19 sira ho diak no susesu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04