Sexta, Janeiro 21, 2022

Xefe Departamentu Gestaun Autorizasaun no Introdusaun Merkadu, iha Diresaun Nasional Farmasia no Medikamentu, iha Ministerio da Saúde, Teodoro Marçal de Jesus, hateten hahu tinan 2021, kompanhia importador medikamentu naturais ou herbal tenke registu atu bele halo kontrolu hodi garante produtu sira ne’e kualidade no seguru ba konsumedor sira.

Xefe Departamentu Gestaun Autorizasaun no Introdusaun Merkadu, iha Diresaun Nasional Farmasia no Medikamentu, iha Ministerio da Saúde, Teodoro Marçal de Jesus, hateten hahu tinan 2021, kompanhia importador medikamentu naturais ou herbal tenke registu atu bele halo kontrolu hodi garante produtu sira ne’e kualidade no seguru ba konsumedor sira.

Nia rekonhese produtu medikamentu herbal barak sirkula iha merkadu sein registu iha minsiterio da saúde hanesan produtu Klink, HWI no seluk tan tanba ne’e sira oreinta ona ekipa konjunta atu bele halo inspesaun iha merkadu konaba produtu farmaseutika no medikamentu sira ne’ebe la registu.

“Herbal mos ami registu, maibe agora dadaun barak mak la registu hanesan klink kategoria herbal ne’ebe sira laiha lisensa operasional no la registu produtu, entau ami konsidera produtu ilegal tanba laiha konhesementu husi minsiterio da saúde,” nia hateten hafoin partisipa iha workshop nasional konaba regulamentu no leis ba registu produtu, lisensiamentu atividade farmasiotika iha salaun Palacio da Sinzas Kaikoli, Dili.

Nia hateten kompanhia ne’ebe hetan ona lisensa husi SERVE, maibe seidauk hetan lisensa operasional husi ministerio da saúde no la registu produtu konsidera ilegal viola dekretu lei numeru 12/2004 konaba farmaseutika nian tanba ne’e sei kona multa.

Nia informa dadaun ne’e iha kompanha hat mak hetan lisesa operasional no registu items produtu herbal atu importa mai rai laran.

Nia hateten dadaun ne’e seidauk bele halo teste ba kualidade produtu farmaseutika no medikamentu sira ne’ebe tama mai rai laran, maibe haforsa iha servisu kontrolu nian, liu-liu dokumentu sira konaba sertifikadu fabrika pratika diak ligadu ho materia prima no prosesu produsaun sira, no segundu tenke iha sertifikadu kualidade katak tenke liu ona husi teste kualidade.

Iha parte seluk, xefe departamentu operasaun, iha Alfandega, Valenti Antonio Freitas hateten produtu medikamentu herbal barak la registu sirkula iha merkadu tanba uluk la kontrola ema bele hatama mai, maibe agora lei ne’e implementa ona tenke kontrola.

“Herbal ne’e uluk laiha, maibe agora iha ona lei atu kontrola tanba ne’e ami sei tuir nafatin instrusaun no kordenasaun ho ministerio da saúde, entau kuandu produtu tama wainhira minsiterio da saúde autoriza ona,” nia hateten.

Nia dehan dalabarak importador sira importa sasan kahur malu deit inklui ho produtu farmaseutika no medikamentu tanba ne’e sira tenke halo inspesaun hodi hare ida-ida produtu medikamentu kordena ho ministerio da saúde atu asegura la viola lei.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04