Segunda, Junho 24, 2024
Total visitors: 766366

Ministériu Saúde (MS) liuhusi nia Diretora Jeral Kuidadu Saúde Primaria, Dra. Elisabeth Leto Mau husu atu nafatin kontinua dezenvolve programa Bee Saneamentu no Ijiene (BESI) iha Fasilidade Kuidadu Saúde (FKS) hotu.

Ministériu Saúde (MS) liuhusi nia Diretora Jeral Kuidadu Saúde Primaria, Dra. Elisabeth Leto Mau husu atu nafatin kontinua dezenvolve programa Bee Saneamentu no Ijiene (BESI) iha Fasilidade Kuidadu Saúde (FKS) hotu.

Nia dehan, bee, saneamentu no ijiene fó enfaze ba nasaun oinsá atu bele tau atensaun ba iha FKS sira, tanba bee, saneamentu no ijiene ne’ebé la adekuadu sei la ajuda hato’o kuidadu saúde ho kualidade.

“Tuir asesmentu no monitorizasaun Bee Saneamentu no Ijiene iha FKS hatudu katak sei hetan nafatin problema, tanba ne’e husu ba nivel desizaun tantu nasionál nomós munisípiu atu hatene situasaun ne’e oinsá atu kontinua asegura garante sustentabilidade BESI iha FKS.” nia dehan iha Hote Timor, DÍli.

Nia salienta, MS koordena ho ministériu no instituisaun relevante ho parseiru sira, hola parte iha dezenvolvimentu programa bee saneamentu no ijiene iha atividade melloramentu hodi fó, kapasitasaun ba profisionál saúde, elaborasaun polítika no estratéjia sira.

Iha parte seluk reprezentante UNICEF Bilal Aurang Zeb Durrani hateten, setór Saúde no BESI nu'udar setór dezenvolvimentu rua ne'ebé boot, no globalmente sai ona nu'udar sub- setór ne'ebé importante tebes iha prestasaun servisu ba saúde.

“Ha’u orgullu hasoru malu ho parseiru sira hotu. Ofisiál sira ne’ebé reprezenta governo, parte interesada sira husi nivel nasionál no munisipál sira. Ida-ne’e hatudu ita hotu iha komitmentu atu asegura katak saúde no bem-estar ba labarik no ita-nia komunidade bele realiza ho sustentavel iha prestasaun servisu ba Saúde no BESI,” nia dehan.

Nia salienta, hanesan ema hotu hatene blobalmente, BESI iha FKS nu'udar sub- setór, tanba ne’e enkoraja atu nota katak iha Timor-Leste, servisu BESI iha FKS nu'udar pasu dahuluk hodi aliña iha padraun nasionál no sistema monitorizasaun ho parseira globál sira.