Domingo, Julho 14, 2024

Estudante Universidade Nacional Timor Lorosa’e (UNTL), Faculdade deCiências Sociais (FCS) iha Departamento de Inclusão Social Comunitária (DISC), preokupa ho auditóriu FCS ne’ebé mak instala iha andar leten nune’é limita estudante difisiente fisiku atu bele asesu.

Estudante Universidade Nacional Timor Lorosa’e (UNTL), Faculdade deCiências Sociais (FCS) iha Departamento de Inclusão Social Comunitária (DISC), preokupa ho auditóriu FCS ne’ebé mak instala iha andar leten nune’é limita estudante difisiente fisiku atu bele asesu.

Reprezentante estudante difisiente ain husi DISC, Natalino Tilman, hateten nia sente difikuldade tebes hodi asesu auditóriu FCS nian ne’ebé halo iha andar leten.

“Ha’u nia haree auditóriu FCS ne’ebé halo iha andar leten ida ne’e sai difikuldade tebes ho ami kondisaun difisiensia la bele asesu iha ne’ebá tanba dala ruma ami ho termu difidiensia maibé difisensia ho difiniasaun la hanesan. Hanesan ha’u, difisiensia fisiku ain, difisiensia matan, lian jestual no kolega sira gunji roda. Sira ne’e maka susar atu asesu auditóriu,” dehan nia.

Nia hatutan, auditóriu ne’ebé instala iha andar leten ne’e, bele limita ona sira hodi asesu kona-ba atividade saida maka realiza entre estudante, tanba laiha asesiblidade ba ema ho difisiensia.

Nia husu ba estrutrura FCS presiza tau atensaun ba difikuldade ida ne’e, tanba iha FCS iha mósdepartamentu ne’e ho maluk difisiensia sira.

“Ha’u reprezenta Departamento de Inclusão Social Comunitária husu ba estrutura FCS atu tau importansiaba ami-nia preokupasaun ida ne’e tanba ida-ne’e la’ós kulpa ema ida nian, maibé kulpa ba ema hotu, tanbasira bele asesu no oinsa ho ami-nia maluk difisiente sira.

Iha FCS iha Departamentu Inklusaun Sosial Komunitaria iha estudante barak ne’ebé ho kondisaun fízikudifisiente, tan ne’e atu hateten katak iha FCS sempre temi lia fuan inkluzivu maibé halo auditóriu ne’ehatudu katak la inkluzivu ba sira,” rekomenda nia.

Haree ba difikuldaden refere, Vise-dekanu Asuntu Estudantil, FCS nian, Lucus Mendes S. Correia hateten, sempre hamutuk ho estudante sira no haree ba fatin andar ne’ebé sai fatin auditóriu FCS ne’e realiza laihakolaborasaun ho estrutura FCS.

“Nu’udar vise-dekanu Asuntu Estudantíl ne’ebé hamutuk ho estudante sira loro-loron no avalia bakonstrusaun fatin andar segundu hodi sai auditóriu FCS, ida ne’e iha mos difikuldade tanba banhira atu halo konstrusaun fatin balu presiza haree mós aspetu tomak, liliu fatin ne’ebe halo ne’e, estudante hotu-hotu belefasil atu asesu,” nia salienta.

Nia hatutan, iha FCS laran ezisti mós DICS ne’ebé nia estudante sira barak mak difisiensia tanba ne’e prezisa tau mós atensaun.

“Ita hatene mos katak FCS iha nia Departamentu Inklusaun Sosial Komunitaria ne’ebé haree mos ba malukdifisiensia fisiku hanesan ain, tilun, matan, no seseluk. Ne’e sai hanesan kestaun boot ida tanba difisil basira atu asesu bainhira sira atu realiza atividade estra ruma hanesan tuir diskusaun iha auditóriu ne’e, tanbakondisaun ne’e la permite,” tenik nia.

Nia hateten, espera ba oin universidade bele anota ona iha kualker konstrusaun ne’ebé sei halo presiza kria mós espasu asesu ba maluk sira ne’ebé ho kondisaun defisiente.