Domingo, Julho 14, 2024

Hosi 2009-2011 Departamentu Saude Mental, Ministerio Saude (MS), fo ona tratamento ba pasientes 3.000 resin iha territoria tomak, no hosi pasientes hirak ne’e maioria mak feto.
“Ami husi Departementu Saúde Mental fó ona tratamentu ba teritoriu Timor laran moras mental hahu husi tinan 2009-2011 ho total hamutuk tres mill I tal (3.000) ne’ebe hetan moras a’as liu mak feto” tenik Xefe Tilma, foin dadauk iha nia servisu fatin iha Caicoli, Dili.
Maske nune, tuir nia feto pasiente moras mental to’o 60 pursentu konsegue hetan ona tratamentu to’o diak.
Entertantu tuir deputadu Inacio Moreira Komisaun F hateten estadu liu husi governu kompetente iha ona planu oinsa atu kria kondisaun ba maluk ne’ebe infrenta moras mental hodi hala’o tratamentu.
“Hau hetan informasaun ne’ebe iha katak Timor iha ona fatin moras mental iha distritu Manatuto, Laklubar. Padre Brasil ida mak toma konta iha ne’ba no mos ema lubun mak ba halo tratamentu iha ne’eba no konsege kura no dia’k,” hateten Deputado Moreira Moreira.
Iha parte seluk, Anibal Idalino, hosi Programa ba Asssistensia ba Moras Mental (PAMM) hosi NGO PRADET, iha Dili, hateten hosi fulan Janeiru to’o Juñu 2011 sira rejistu ema ne’ebe moras kondisaun mental hamutuk 779 husi distritu walu inklui mos ema foun ne’ebe hetan moras mental hamutuk 86.
“Ami husi NGO Pradet kolabora hamutuk ho Ministeriu Saúde liu hosi Departementu Saúde Mental hala’o atividade door-to-door [odamatan-ba-odamantan] ba komunidade iha baze atu nune’e bele fo tratamentu no fó akonselhamentu no akompanhamentu ba ita nia maluk sira nune’e sira bele asesu informasaun,” hateten PRADET PAMM reprezentande Idalino.