Domingo, Julho 14, 2024

Tuir Program Manager Grupu Suporta Susu Been Inan  Fundasaun Alola (FA) nian Angelina Fernandes katak  grupu suporta inan nia papel iha komunidade mak halo promosaun susu been inan nian liu-liu susu been kinur importante ba bébé nia saude.
“ Ami suporta mak susu been kinur tanba uluk susu been kinur ne’e dehan fo’er no so’e tiha labele fo ba bebe depois fo ba bebe bainhira bebe ne’e moris  mai no mos atu refere inan ne’ebe hetan problema ba susun ,”hateten  Angelina Fernandes semana kotuk  (19 /09 ) iha nia knar fatin Mascarenhas ,Dili.
Tuir nia , grupu ida ne’e nia ezistensia mak  atu fo suporta ba inan sira liu liu mos promosaun ba susu ben kinor , atu refere inan sira ne’ebe hetan problema susu bubu no bebe la kohi susu ba fali iha fasilidade saude  atu servisu hamutuk ho parteira sira , infermeira sira ne’e iha postu sanitario , no mos centru saude sira .
“ Membru grupo suporta inan agora mos alola recruta sira ba servisu iha Hospital no mos iha fasilidade saude , no mos iha level komunidade mak hanesan programa SISCA , postu sanitario , Puskesmas “ Nia Informa
Alende halo promosaun kona ba  susu ben inan nian sira mos halo promosaun kona ba hahan komplementar ba bebe depois bebe ne ‘e  tama fulan 6 sira mos tenki intrudus ona hahan seluk ba iha bebe .
Hahan KOmplementar mak hanesan  hahan lokal mak  sai  hanesan hahan ne’ebe diak liu ba bebe bainhira bebe iha ona fulan 6 ba leten , Hahan ne’ebe iha karbohidrat mak hanesan Fos , lakeru tasak , fehuk midar , batar nurak , tein tasak tiha deut tiha mak fo ba bebe tein sasoro labele sasoro los deit maibe sasoro ne’e tenki kahor ho modo tahan no buat seluk tan, inklui mos aifuan seluk hanesan aidila , hudi tasak mmos .
Iha parte seluk komunidade Sabina Freitas nudar inan ida hateten katak Program ne’ebe Fundasaun alola halo ne’e kapas tebes tamba liu husi promosaun mak bele hanorin sira atu oinsa mak  feto maluk sira seluk ne’ebe seidauk hetan informasaun ne’ebe seidauk hetan klean iha Hospital no klinika .
“Ami sente orgulho tebes tamba durante ne’e susu ben kinor ita nia avo sira dehan susu ben kinor ne’e  foer labele fo ba bebe bainhira bebe moris maibe liu husi promosaun ida ne’e bele fo hanoin ba ami katak susu ben kinor ne’e mos importante ba bebe nia saude,” nia katak.
Agora inan sira seluk mos bele komprende ona tamba liu husi promosaun ne’ebe Alola halo ne’e liu husi SISCA sira mos bele komprende saida mak susu ben kinor se  laiha promosaun karik ami labele komprende buat ida .