NGV Oferese Oportunidade ba Mediku Baziku 9 Atu Hasae Kuinesementu iha area klinika

Mediku Baziku  Cubanu Timor oan nain 18 ne’ebe halao  primeiru graduasaun iha tinan 2010 agora dadaun iha nain sia mak Rekursu Umanu Ministeriu Saude (MS) aloka ba iha Hospital Nasional Guido Valadares (HNGV) atu hasae sira nia kapasidade no kuinesementu kliniku diak liu iha area Pediatria, Medisina Interna, Anestesida, Sidrogia no Banku Urjensia.
“Sira laos pratika maibe sira servisu iha Hospital Nasional Guido Valadares nudar mediku baziku ho intensaun ami mos hakarak orienta sira atu kuinese diak liu tan area saude ne’ebe mensiona,” dehan Director Klinika HNGV, Aniceto Cardoso Barreto, semana kotuk (8/11) iha HNGV, Bidau, Dili.
Director Cardoso hatutan katak tuir lolos HNGV husu nain walu deit maibe rekursu umanu aloka nain sia ho valor diak. Mediku sira ne’e molok atu pratika iha Hospital Nasioanl servisu iha distritu no sub-distritu maibe agora aloka fali mai servisu iha HNGV atu aumenta liu tan sira nia kuinesementu iha area klinika. Programa ne’e halao kedas  ona iha fulan lima lui ba no sei halo rotasaun ba mediku sira to’o iha fulan Setembru no Outobru 2012 atu sira bele kuinese kleaan liu tan ba moras sira ne’e.
Bainhira programa ne’e hotu, Diretor Cardoso katak ida ne’e kompetensia rekursu umanu MS nian atu aloka sira fila fali ba distritus ne’ebe durante ne’e sira servisu ba tanba ne’e laos kompetensia HNGV.