Hospital Referal Baucau menus ekipamentus lubuk

Durante ne’e Hospital Referal Baucau infrenta problema barak liu hanesan menus ekipamentus medical no ekipamentus non medical tamba ekipamentus sira ne’ebe iha balun la bele uza ona, ha mos limitasoes ekipamentus no saan sira balun uza iha tempo Indonesia nian to’o agora.“Ekipamentus non medical mak hanesan armario, kama ne’ebe ema moras sira atu hodi toba nian.  No ekipamentus medical nian hanesan ekipamentus ne’ebe uza ba hodi Raio-X nian tamba tuan ona no difikulta ba Doutor no Infermeiru sira atu hodi lenu ema,” hateten Director Jeral (DG) Hospital Referal Baucau, Lilenio Da Costa Alves, foin lalais (03/11), iha nia knar fatin Hospital Referal Baucau, Bacau Vila Antiga.
Tuir DG Alves katak laos difikuldades ne’e deit mak sira infrenta maibe sira mos falta laboratorio no mos ekipamentus seluk balun ne’ebe mak nia kondisaun la diak ona para atu uza tamba sasan sira ne’e hotu sei hosi Indonesia nian deit mak to’o agora sei uza nafatin hafoin tinan sanulu resin tiha ona independensia.

“Ami la hatama ona proposta tamba konstrusaun Edifisio Foun ba Hospital Referal Baucau agora atinji ona pursentu 30 no ekipamentus sira ne’e uza sementara tamba aban bain rua kuando Hospital Referal Baucau ne’e muda bele ona uza fali ekipamentus foun. Tan ne’e la presiza tan atu halo Proposta ba Ministerio Saude,” hateten tan DG Alves.

Iha Parte seluk Infermeira  Cidalia Freitas hateten katak maske ho ekipamentus ne’ebe la permite servisu ho maximu, “ami kontinua servisu ho buat ne’ebe iha atu nune’e bele fo asistensia saude ba komunidade sira ne’ebe mak mai konsulta iha Hospita Referal Baucau ida ne’e.”