Polisia halo hela investigasaun ba kazu sunu uma iha Hera

Publika iha: 02 Maio 2012

Superintendente Afonso de Jesus hateten kazu sunu uma iha sub-distritu Hera, Dili, sei halao hela investigasaun.Kazu ema deskonesidu ne’ebe sunu uma balun iha Sub-Distrito Hera, Distritu Dili nian, tuir Segundu Komandante Polisia Nasional Timor-Leste (PNTL), Superintendente Afonso de Jesus katak,  oras ne’e dadaun kazu ne’e iha hela prosesu investigasaun.

“Kazu Hera nian submete tiha ona prosesu, investigasaun la’o dadauk e ema deskonesidu sira ne’e bele halo manipulasaun, sunu sira nia uma para bele hetan mos benefisiu,” hateten Komisariu de Jesus, semana kotuk (20/04) iha Kaikoli, Dili.

Tuir II Komandante Komisariu de Jesus, Polisia kontinua halo investigasaun ba problema ne’e, atu hatene lolos ema mak sunu ga insidenti.

Entertantu Kordenador Kordenador Peskiza Fundasaun Mahein (FM), Frei dos Martires da Costa Guterres, hateten insidente ne’e akontese tanba failansu husi parte seguransa nian ne’ebe la masimu.

“Ita hatene katak, wainhira seguransa fraku, ida ne’e loke dalan ou loke espasu ba krime atu mosu, maibe kuandu seguransa metin, defisil ba ema atu halo krimi,” dehan Peskizador Guterres.

Tanba ne’e mak nia sujere ba iha Polisia atu tau siguransa masimu ba iha fatin sira nebe risku konflitu atu nune’e ema labele kria konflitu no halo perturbasaun.