- Publika iha: 02 Maio 2012
Tuir Deputadu Tilman, atu aprova lei ne’e, Deputadu sira husi Aliansa Maioria Parlamentar (AMP) mesak labele.
“Komu Fretilin iha ne’e lakohi, hau rasik mos lakohi, Fernanda Borges mos lakohi,” hateten Deputadu Tilman, semana kotuk, (20/04) iha Uma Fukun, Dili.
“Lei ne’e parte seksaun ida bolu naran uzu kapiaun especial, uzu kapiaun tuir ita nia kodiku sivil ne’e iha oin rua deit, uzu kapiaun boafe no uzu kapiaun de mafe,” Deputadu Tilman esplika.
Nia hateten, iha diferensa boafe katak, avo ida antes atu mate fo hela uma ida ba bei oan ida maibe la iha dokumentu ida.
“Katak liu tiha tinan rua nulu bei oan ne’e bele tau ona rai ne’e iha ninia naran, mais tenki rekere ba iha Tribunal,” Deputadu ne’e esplika tan.
Mafe signifika katak, wainhira ema ida la fo rai ida maibe nia hela deit ,liu tiha tinan 25 ema ida la reklama entaun ninian ona.
“Entaun lei ida liuba ne’e fo,signifika katak lei ne’e mak liu balun iha rai ,balun la iha rai,tanba ne’e mak injustisa iha ne’e,” Deputadu Tilman tenik.
Entertantu Deputadu Francisco Branco dehan, atu aprova lei ne’e tenki maioria dois tersus de votus.
“Dois tersus husi deputadu sira entaun sei defisil atu bele aprova hodi haruka ba Prezidenti da Republika,”
Deputadu Branco hateten, atu aprova lei ne’e presiza korum maibe dala barak akontese iha Parlamentu sempre la to’o hela deit.
“Iha tempu agora dadauk ne’e deputadu sira besik ona remata mandate nebe sei defisil atu hetan korum,”Branco dehan.