Quinta, Novembro 26, 2020
Total visitors: 537104

Governo Nova-Zelandia apoio transporte kareta hat (4) ba polisia komunitaria hodi fasilita serviso no hakbesik an liu ba komunidade.

Governo Nova-Zelandia apoio transporte kareta hat (4) ba polisia komunitaria hodi fasilita serviso no hakbesik an liu ba komunidade.

Embaixador Nova-Zelandia, Philip Hewitt, hateten apoio refere tanba liu husi koperasaun serviso ne’ebe mak antes ne’e governo Nova-Zelandia ho PNTL halo ona hodi apoio implementa programa polisiamento komunitaria.

“Ita hakarak haforsa nafatin polisia komunitaria nia serviso, no ita deside oferese tan kareta 4 nune’e mos fasilidade sira seluk ne’ebe mak presija hodi apoio sira nia serviso atu bele besik liu ba komunidade,” Embaixador NZ Hewitt hateten iha Komando PNTL Dili.

Nia dehan, ohin loron importante tebes tanba bele marka tan historia ba governo Nova-Zelandia ho Polisia Nasional Timor-Leste (PNTL) liu husi departamento Polisia Komunitaria.

“Ita kontente tebes tanba ita bele apoio ona kareta hat (4) no edifisio ida (1) nune’e mos fasilidade seluk ne’ebe mak nesesidade hodi apoio serviso PNTL nian,” nia hateten.

Iha fatin hanesan, Komandante Jeral PNTL Komisariu Faustino da Costa hateten apoiu ne'ebe Nova- Zelandia fo la'os rohan finaliza ona maibe nu’udar pasu ida tan ba oin hodi hametin liu tan koperasaun serviso.

“Komando ita agradese tebes ba governo Nova-Zelandia liu husi embaixada iha Timor tanba bele apoio ona fasilita ba PNTL liu-liu ba ofisial polisia suku OPS atu bele hakbesik liu tan ba komunidade nia let,” Komisario Costa dehan.

Entretanto, Komandante Departamento Polisiamento Komunitario Nasional, Superientendente Asistente Helena das Dores hateten, orgulho tebes tanba DPKN bele hetan apoio ida ne’e husi parseiro hodi fasilita servio OPS nian diak liu tan iha futuru.

“Kareta no fasilidade sira ne’e ita sei atribui ba OPS sira iha munisipio sei presija transporte hodi halo serviso,” Komandante DPKN Dorres hateten.

Enkuanto nia dehan, antes ne’e governo Nova-Zelandia mos apoio ona formasaun ba Ofisial Polisia Suku (OPS) nune’e mos konaba kurikulum ba polisia komunitaria, halo uma ba ofisias polisia suku, no apoio implementasaun polisiamento komunitaria tuir prosedimento normas operasaun nian.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04