Terça, Novembro 24, 2020
Total visitors: 536534

Komando Polisia Nasional Timor-Leste (PNTL) foti ona desizaun hodi hapara serviso ba membro Unidade Patrolimento Fronteira (UPF) nain lima (5) tanba identifika fasilita movimento ilegal iha linha fronteira entre Timor-Leste no Indonesia.

Vise Ministru Ministerio Interior (MI), Antonio Armindo hateten antes ne’e MI orienta komando PNTL halo investigasaun ba membro UPF sira, relasiona ho informasaun katak membro balun mak fasilita movimento ilegal iha fronteira nian.

Vise Ministru Ministerio Interior (MI), Antonio Armindo hateten antes ne’e MI orienta komando PNTL halo investigasaun ba membro UPF sira, relasiona ho informasaun katak membro balun mak fasilita movimento ilegal iha fronteira nian.

“Husi investigasaun ne’ebe MI orienta konsegue identifika katak membro balun mak fasilita no ita foti ona desizaun ba membro nain lima. Seluk sei iha prosesu investigasaun,” Vise MI Armindo hateten iha Parlamento Nasional.

Entretanto, Portavoz PNTL Superientendente Xefe Arnaldo de Araujo hateten membro nain 5 ne’ebe mak hetan ona demisaun ne’e tanba iha keixa katak involve fasilita movimento ilegal no abandona servisu.

“Tanba ne’e ita husu ba membro [PNTL] sira atu labele halimar ho serviso. Tenke serviso ho profisionalidade labele uza privasidade iha oras serviso liu-liu garante seguransa iha fronteira tanba kuando iha keixa ruma, hakarak ka lakoi, tenke foti ain husi instituisaun ida ne’e,” nia hateten.

Iha parte seluk Vise Presidente Komisaun B, Parlamentu Nasional, ne’ebe trata assunto defesa no seguransa, Deputado Luis Roberto hateten MI tenke halo invesgitasaun ida klean liu konaba oknum PNTL ne’ebe mak fasilita movimento ilegal iha fronteira.

Nia dehan, membro ne’ebe mak involve iha aktu hirak ne’e PNTL iha lei hodi regula no ema hanesan ne’e lamerese serviso iha instituisaun seguransa no tenke hasai.

“Servisu tenke ho profesionalismu, imparsial, ita hanesan lutu ba nasaun labele servisu hodi hamosu fali hanesan pagar ho fasilita movimento ilegal, ne’e kontra lei,” Deputado Roberto hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04