Terça, Janeiro 19, 2021
Total visitors: 543636

Polisia Komando Munisipio Dili, koloka tan pesoal hamutuk 200 hodi reforsa seguransa ba area sira ne’ebe identifikado risku ba konflito iha kapital Dili laran ne’ebe mak sempre fo amiasa ba ema nia vida.

Segundo Komandante Polisia Munisipio Dili, Superientendente Euclides Belo hateten, kapital Dili ne’e area risku ba konflito ne’e barak tebes, no polisia konsegue identifika ona hamutuk area 40 resin liu-liu iha Dom Aleixo, Bekora, Tasi Tolu, Taibesi no fatin seluk tan.

Segundo Komandante Polisia Munisipio Dili, Superientendente Euclides Belo hateten, kapital Dili ne’e area risku ba konflito ne’e barak tebes, no polisia konsegue identifika ona hamutuk area 40 resin liu-liu iha Dom Aleixo, Bekora, Tasi Tolu, Taibesi no fatin seluk tan.

“Atu reforsa seguransa iha area risku sira, komando koloka tan membro hamutuk 200 hodi garante seguransa iha area refere,” nia hateten.

Nia dehan, membro sira ne’ebe mak koloka ne’e bazeia ba numero referensia 537/2020 ne’ebe mak komando rasik aprova hodi fo seguransa ba komunidade iha Dili laran hahu husi fulan Novembro to’o Natal tinan foun.

Enkuanto nia informa, antes ne’e komando koloka ona pesoal 500 maibe komando hare ne’e la sufisiente tanba ne’e koloka tan atus 200 hodi reforsa seguransa.

“Pesoal hira ne’ebe ita koloka ne’e komposto husi unidade hotu iha komando munisipio Dili nian, hodi fo seguransa ba komunidade iha Dili laran atu nune’e bele halo movimento livre no la iha amiasa,” nia hateten.

Entretanto, Admistrador Dom Aleixo Tomas Valus hateten, iha Dom Aleixo area ne’ebe mak sempre provoka situasaun no halo polisia sira kontrola ba mai no tur la hakmatek.

“Iha Dom Aleixo lideransa komunitaria sira sempre serviso hamutuk ho polisia hodi kontrola no halo prevensaun ba konflito sira ne’ebe mak sempre akontese iha area refere,” nia informa.

Nia dehan, atu redus krime sira ne’e la’os serviso polisia nia deit maibe presija mos prezensa komunidade nian, hodi kuntribui ba paz estabilidade iha Dom Aleixo nune’e mos kapital Dili.

Iha parte seluk Diretor Ezekutivo Fundasaun Mahein (FM), Joao Almeida hateten serviso vijilansia polisia iha Dili laran ne’e kontrolado iha area ne’ebe deit, kona ba seguransa polisia no forsa defeza F-FDTL sempre apoio malu serviso, tuir monitorizasaun ne’ebe mak Fundasuan Mahein halo durante ne’e.

“Konaba seguransa ita garantia hela tanba durante estado emergensia ne’e serviso polisia iha area risku tanto la risku ne’e serviso la’o diak tebes, seguransa atu diak liu tan kontribuisaun komunidade importante,” nia hateten.

Tanba ne’e nia dehan, serviso vizilansia polisia nia durante ne’e hatudo duni katak sira fo duni an serviso ho monta tan posto vizilansia sira iha Dili laran hodi kontrola komunidade sira.

“Ita hare katak instituisaun rua ne’e hala’o serviso diak tebes maibe presija mos kontribuisaun komunidade nian nune’e bele lori dezenvolvimento siguransa la’o ba oin no nafatin,” Diretor FM Almeida hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04