Quarta, Janeiro 20, 2021
Total visitors: 543764

Ministerio Justica husu koperasaun FALINTIL-Forsa Defesa Timor-Leste (F-FDTL) no Polisia Nasional Timor-Leste (PNTL) atu bele apoio kontrola utilizasaun armas ne’ebe mak Polisia Cientifica Investigaçao Criminal (PCIC) utiliza hodi bele asegura patrimonio juridiku nian.

Vise Ministro Justica Jose Edmundo Caetano hateten, armas ne’ebe mak PCIC uza ne’e lei fo dalan ona maibe presija koperasaun serviso ho instituisaun relevante atu bele asegura.

Vise Ministro Justica Jose Edmundo Caetano hateten, armas ne’ebe mak PCIC uza ne’e lei fo dalan ona maibe presija koperasaun serviso ho instituisaun relevante atu bele asegura.

“Polisia Cientifica Investigaçao Criminal (PCIC) bele utiliza tuir lei ne’ebe vigora, konaba mekanismo kontrolasuan ita husu apoio husi Intituisaun F-FDTL no PNTL oinsa atu bele kontrola,” Vise JM Edmundo hateten.

Nia informa tan katak, maske iha konstituisaun RDTL PNTL ho F-FDTL deit mak bele kaer kilat, maibe tuir lei ne’e aprova iha Konselho Ministros fo dalan mos ba PCIC hodi utiliza kilat nune’e bele asegura patrimonio juridiku nian.

“Ita nafatin husu apoio husi instituisaun relevante atu bele kontrola mekanismo ne’ebe mais fasil importante mak linha kordenasaun,” nia dehan.

Entretanto, Xefe Estado Maior Jeral Falintil-Forsa Defesa Timor-Leste Major Jeneral Lere Anan Timur hateten, la konkorda ho PCIC utiliza armas.

“Bainhira Polisia Cientifica Investigaçao Criminal (PCIC) utiliza armas ita hare kontra ona Konstituisaun RDTL, ho instituisaun F-FDL sei la apoio atu kontrola,” Xefe Estado Maior Lere hateten.

Iha parte seluk Diretor Fundasaun Mahein (FM) Joao Almeida hateten, utilizasaun armas PCIC sai polemiku bo’ot iha sosiadade tanba sai amiasa ba PNTL ho F-FDTL iha terreno.

“Ita hare kilat ne’e sempre sai nafatin problema iha instituisaun sira ne’ebe mak hari kleur ona hanesan Polisia Nasional Timor-Leste (PNTL) no FALINTIL-Forsa Defesa Timor-Leste (F-FDTL) tanba problema iha sistema kontrolasaun,” Diretor FM Almedia hateten iha knar fatin Fomento.

Tanba ne’e nia dehan, se estado hakarak aumenta kilat, signifika aumenta mos problema tanba iha konrtolu ne’e rasik dalaruma utiliza sala armas.

“Tanba ne’e FM la aseita atu governo sosa kilat ba Polisia Cientifica Investigaçao Criminal (PCIC) tanba bainhira utiliza kontrola ladiak bele sai amiasa ba instituisaun seluk nune’e mos vida komunidade nian,” nia hateten.

Nia dehan, tuir lolos ne’e PCIC labele uza kilat, tanba laiha treinamento ne’ebe mak adekuado tanba ema ne’ebe mak utilza armas ema ne’ebe mak tenke treinado la’os sivil ida mos tenke uza kilat.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04