Quarta, Janeiro 20, 2021
Total visitors: 543764

Ministro Defesa Filomeno de Jesus Paixao, konsidera korupsaun sai hanesan inimigo bo’ot ida ba estado tanba afeta ba dezenvolvimeto ekonomico no afeta ba povu nia moris diak iha nasaun ida tanba ne’e tenke luta hodi kombate korupsaun.

Ministro Defesa Filomeno de Jesus Paixao, konsidera korupsaun sai hanesan inimigo bo’ot ida ba estado tanba afeta ba dezenvolvimeto ekonomico no afeta ba povu nia moris diak iha nasaun ida tanba ne’e tenke luta hodi kombate korupsaun.

Nia dehan, bainhira korupsaun ne’e buras mak instituisaun estado ida mak la halo prevensaun, no mos sei afeta ba povu nia moris ida tanba ne’e intituisaun hotu tenke luta hodi prevene hahalok korupsaun iha instituisaun estado nian.

“Korupsaun ne’e ita konsidera ona hanesan inimigo ba estado tanba ne’e ita hotu tenke kopera hodi luta kontra korupsaun liga ba lei foun Comisaun Anti Corupsaun (CAC) numero 7/2020 halo bele promove boa governasaun,” Ministro Paixao hateten.

Nia dehan, atu luta kontra inimigo ne’e presija apoio husi sidadaun hotu liu-liu funsionario publiku ne’ebe mak kualifikado hodi promove governasaun diak kada instituisaun estado ne’ebe mak sira servi.

“Ita tenke luta hasoru inimigo ida ne’e, tanba la’os afeta deit ba serviso governo nian, maibe afeta ba dezenvolvimento ekonomico no povu nia moris diak iha nasaun ida ne’e,” nia hateten iha ambito seminario konaba dissiminasaun medidas ba prevensaun korupsaun iha Ministerio Defesa iha Fatuhada, Dili.

Enkuando nia informa tan katak, bainhira kombate korupsaun bele promove governasaun diak, no fo kontribuisaun ba dezenvolvimento iha Timor-Leste inkliu povu nia moris diak.

Iha fatin hanesna, Komisariu Comisaun Anti Coorrupsaun (CAC), Sergio Hornai dehan, misaun atu luta kontra korrupsaun hanesan misaun ida ne’ebe importante, no presiza kontribuisaun Timoroan hotu nian.

“Atu kombate Korupsaun iha Timor mak agora dadau ne’e ita iha ona lei foun numero 7/2020 liu-liu konaba medida prevensaun kontra krime korupsaun no hametin governasaun diak iha Timor-Leste,” Komisario CAC Hornai hateten.

Nia dehan, atu kombate kriminalidade korupsaun tenke iha politika prevensaun hahu husi instituisaun estado, setor privado, sosiedade no papel media sira nia importante.

“Atu kombate inimigo ida ne’e CAC rasik hari tiha ona plano estratejiko PECAC 2021-2025 hodi halo sosializasaun ba ministerio no linha instituisaun estado nian, setor privado, publiku nune’e mos komunidade hotu hodi bele prevene no kombate korupsaun,” nia informa.

Enkuanto nia dehan, asaun atu prevene no kombate korrupsaun iha Timor-Leste sei hasoru dezafius no obstakulus oin-oin, maibe povu hotu hamutuk ho CAC tenki iha komitmentu sai ema sabedoria, mesajeiru no interpreter diak lutak kontra krime korrupsaun.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04