Sábado, Fevereiro 27, 2021
Total visitors: 550453

Polisia Komando Munisipio Dili prosesu ona sidadaun nain 21 tanba durante implementasaun Estado Emergensia (EE) ba dala IX ne’e sira la kumpri regras.

Komandante Polisia Munisipio Dili Superientendente Xefe Henrique da Costa hateten, sidadaun nain 21 ne’e polisia kaptura iha area Dili nian tanba, la uza maskara iha fatin publiku no la mantein distansiamento social.

Komandante Polisia Munisipio Dili Superientendente Xefe Henrique da Costa hateten, sidadaun nain 21 ne’e polisia kaptura iha area Dili nian tanba, la uza maskara iha fatin publiku no la mantein distansiamento social no balun gosta halibur malu liu ema nain 10.

“Sidadaun 21 ne’e ita kaptura halo ona prosesu tuir dalan legal tanba sira kontra regras Estado Emergensia nian,” Komandante Polisia Munisipio Dili Superienendente Xefe Costa informa.

Nia dehan, antes ne’e, ekipa ne’ebe mak forma husi komando munisipio Dili ho Ministerio Saude halo ona sosializasaun ba komunidade sira maibe sira la iha konsiensia hodi la kumpri regras.

“Maibe ita fo hanoin nafatin atu komunidade sira kumpri regras ne’ebe mak fo husi Ministerio Saude no Saude Mundial hodi halo prevensaun ba surto Corona Virus,” nia informa.

Maibe nia dehan, polisia nafatin fo hanoin maibe komunidade kontra nafatin polisia kuntinua kaptura hodi supmete ba prosesu tuir lei ne’ebe mak vigor iha nasaun ida ne’e.

“Sidadaun nain 21 ne’ebe mak ita kaptura oras ne’e dadaun ita halo ona prosesu to’o iha investigasaun kriminal nasional depois aprezenta ba Ministerio Publiku,” Superientenden Xefe Costa informa.

Entretanto, Komandante Polisia Munisipio Manufahi Superientendente Xefe Joni Viana hateten, iha Manufahi mos durante implementasaun EE ba dala IX ne’e polisia konsegue kaptura ona autoridade lokal balun ne’ebe mak fasilita komunidade sira kontra regras hodi halo festa.

“Ita kaptura no submete ona ba sela detensaun durante 72 oras no prosesu kuntinua ba ona iha investigasaun nasional hodi bele kuntinua prosesu hodi kriminaliza akto krime ne’ebe mak sira komete,” nia informa.

Enkuanto nia dehan, autoridade lokal ne’e rasik fasilita komunidade sira halo festa kazamento depois de governo dekreta Estado Emergensia ba dala IX ne’ebe mak bando halibur ema liu nain 10 no mantein distansia social.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04