- Publika iha: 25 Março 2021
FALINTIL-Forsa Defesa Timor- Leste F-FDTL prontu apoio Polisia Nasional Timor-Leste PNTL hodi halo atuasaun ba kualker krime ne’ebe mak amiasa ba estabilidade nasional.
Xefe Estadu Maior Jeral F-FDTL, Tenente Jeneral Lere anan Timur hateten, sitausaun sira ne’ebe mak oras ne’e dadaun akontese, husi grupu sira seran malu, hana malu iha tempu kalan hodi entraga estabilidade nasional kriminozu sira ne’e tenke atua ho rigorozu.
“FALINTIL-Forsa Defesa Timor-Leste (F-FDTL) sei la fo fatin aktu krime ne’ebe mak amiasa ba estabilidade nasional, ami prontu fo apoio tomak ba Polisia Nasional Timor-Lestse (PNTL) hodi atua kualker krime iha Dili laran,” Tenente Jeneral Lere Anan Timur hateten.
Nia dehan, kleur ona la iha problema entre grupu sira maibe iha loron hirak ne’e komesa akontese fila fali mesmu iha hela situasaun estadu emergensia ka serka sanitaria.
“Instituisaun F-FDTL no PNTL prontu ona oinsa atu resolve no kontrola joven sira, hodi hadia futuru tanba ne’e joven sira ne’ebe kakutak kriminozu komandu sei orienta membru sira atua ho rigorozu,” nia informa.
Tanba ne’e, husu ba joven sira atu kria paz no estabilidade no kumpri ba regras serka sanitaria no konfinamentu obrigatoriu hodi bele kuntribui ba hakotu korente transmisaun Covid-19 iha Timor-Leste.
Entretantu, Segundu Komandante Polisia Munisipiu Dili, Superientendente Euclides Belo hateten, dadaun ne’e parte polisia mos rekolha ona informasaun husi grupu balun liu-liu arte ritual iha Fatuhada ne’ebe mak fo sai iha rede sosial facebook katak sei iha ataka malu iha kapital Dili.
“Liga ba sitausaun sira ne’ebe akontese komandu PNTL husu ona apoio ba koamndu F-FDTL hodi halo atusaun ba kriminozu hirak ne’e, instituisaun seguransa 2 seila fo dalan ba kriminozu nia movimentu. Ita sei la tolera ema ne’ebe mak hanoin at hodi estraga estabilidade nasaun nian,” Segundu Komandante Dili Belo dehan.
Tanba ne’e husu ba komunidade iha Dili laran labele tauk, tur hakmatek iha uma hodi prevene an husi peste Covid-19 no labele sai vitima ba kazu krime.
Alende ne’e nia dehan, komandu sei kordena no prezidente komisaun reguladora arte marsil (KRAM) hodi bolu lideransa organizasaun arte ritual hodi kontrola nian membru sira atu labele halo krimi.