Durante implementasaun Serka Sanitaria (SS) iha kapital Dili no munisipiu afetadu ba transmisaun Covid-19 polisia liu husi seksaun kriminal rejistu kazu krimi hamutuk 51.

Porta voz Polisia Nasional Timor-Leste (PNTL), Superientendente Xefe Arnaldo de Araujo, hateten kazu krimi ne’ebe mak durante ne’e seksaun kriminal nasional rejistu ne’e kompostu husi kazu homesidu, violensia domestika, agresaun fizika, no asidente trafiku.

Porta voz Polisia Nasional Timor-Leste (PNTL), Superientendente Xefe Arnaldo de Araujo, hateten kazu krimi ne’ebe mak durante ne’e seksaun kriminal nasional rejistu ne’e kompostu husi kazu homesidu, violensia domestika, agresaun fizika, no asidente trafiku.

“Durante implementasaun serka sanitaria ne’e polisia liu husi seksaun kriminal rejistu kazu krimi hamutuk 51,” porta voz Araujo hatete.

Nia dehan, husi kazu krimi sira ne’e prosesu ba suspeitu sira la’o hotu ona, balun iha ona prizaun preventiva, balun aplika termu identidade rezidensia (TIR), seluk iha prosesu investigasaun nia laran.

“Maske dadaun ne’e implementa hela serka sanitaria maibe prosesu julgamentu ba kazu krimi sira la’o normal hanesan bai-bain,” nia hateten.

Nia dehan, ba kazu balun ne’ebe mak seidauk prosesu ne’e polisia nafatin esforsu no kopera ho autoridade lokal sira hodi buka nafatin informasaun nune’e hodi reforsa iha investigasaun hodi bele submete ba prosesu tuir dalan legal.

“Ita nafatin esforsu nune’e kriminozu sira bele responsabilidade ba aktu krimi ne’ebe mak sira halo no polisia sei la husik livre,” nia informa.

Tanba ne’e nia husu ba komunidade sira iha situasaun serka sanitaria ne’e tur hakmatek iha uma hodi halo pvensaun ba corona virus la’os la’o tun sa’e hodi halo krimi.

Entretantu, Direktor Ezekutivu Fundasaun Mahein (FM), Joao Almeida, hateten maske Timor-Leste oras ne’e dadaun husi parte relevante hotu fokus deit ba prevensaun Covid-19 maibe nafatin husu ba polisia atu labele husi livre kriminozu nia movimentu.

“Tanba ne’e ita nafatin husu ba polisia maske dadaun ne’e operasaun fokus liu ba prevensaun maibe labele haluhan knar lolos polisia nia ba prevensaun konfilu husi baze mai to’o nasional tanba ita hare iha situasaun ida dadaun ne’e ema bele aproveita tempu hodi halo krimi,” nia dehan.

Maibe nia dehan, tuir dadus krimi ne’ebe polisia rejistu iha serka sanitaria ne’e numeru ne’e kiik liu lahanesan fulan hirak liu ba maibe nafatin husu atu tau iha prioridade operasaun nian ba kazu krimi sira.