Sábado, Junho 19, 2021

Komunidade ne’ebe mak kontra regras serka sanitaria no konfinamentu obrigatoriu jeral iha kapital Dili hodi kuntinua halo movimentu, Polisia Nasional Timor-Leste (PNTL) alerta ona katak sei kaptura no submente ba ekipa mediku Centru Integradu Gestaun Crize (CIGC) hodi halo teste swab.

Porta voz PNTL, Superientendente Xefe Arnaldo de Araujo, hateten komunidade sira ne’ebe mak ulun to’os hodi kontra regras, polisia halo pasta revista, kaptura no obrigatoriu ba teste swab.

Porta voz PNTL, Superientendente Xefe Arnaldo de Araujo, hateten komunidade sira ne’ebe mak ulun to’os hodi kontra regras, polisia halo pasta revista, kaptura no obrigatoriu ba teste swab.

“Iha pasta revista ne’e ita konsegue kaptura no submete ona komunidade kuaze 200 resin ba teste swab obrigatoriu liu husi mediku iha Centro Integradu Gestaun Crize (CIGC) iha Centro Formasaun Polisia (CFP) Comoro,” nia hateten.

Nia dehan, komunidade sira ne’ebe mak submete ona ba teste swab ne’e bainhira rezultadu pozitivu tenke submete ba izolamentu ne’ebe mak governu prepara ona.

Nia dehan, tuir lolos polisia sei la halo ida ne’e maibe komunidade sira mak ulun to’os hodi kontra nafatin regras hakarak ka lakoi polisia uza meios ida ne’e nune’e bele prevene movimentu iha kapital Dili hodi halo prevensaun ba transmisaun Covid-19.

“Husu ba publiku atu kumpri no halo tuir saida mak dekretu estadu emergensia ne’e hateten ona hodi salva ema hotu nia vida,” nia hateten.

Alende ne’e nia dehan, iha teste swab ne’e maioria komunidade mak kopera diak no minoria deit mak la kopera tanba sira ansi liu ba sira nia aktividade.

Iha fatin hanesan komunidade Benvinda da Costa hateten, aktividade ne’ebe mak husi parte polisia halo ne’e diak maibe meios ne’ebe sira uza ne’e mak halo povu lasatisfas tanba halo hanesan lohi povu no obriga ba teste swab.

“Tanba ne’e, ita sujere diak liu parte governu kopera ho autoridade lokal atu halo teste swab kada suku ka aldeia labele halo hanesan polisia halo ne’e,” komunidade Costa hateten.

Nia dehan, komunidade prontu kopera ho polisia no governu maibe tenke kria kondisaun nune’e labele mai dudu malu no konsentra hamutuk hanesan polisia halo ne’e.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04