Sábado, Junho 19, 2021

Komandu Polisia Nasional Timor-Leste (PNTL) prepara ona fatin ba izolamentu Covid-19 ba membru polisia iha Centru Formasaun Polisia (CFP) nune’e bainhira membru balun pozitivu bele ba izola iha fatin ne’ebe mak sira prepara ona.

Komandante Centru Formasaun Polisia (CFP) Arquimino Ramos hateten, fatin ne’ebe mak sira prepara ne’e, identifika direta husi Vise Ministru Interior hodi tau fatin izolamentu espesifika ba membru polisia sira bainhira afeta ba Covid-19.

Komandante Centru Formasaun Polisia (CFP) Arquimino Ramos hateten, fatin ne’ebe mak sira prepara ne’e, identifika direta husi Vise Ministru Interior hodi tau fatin izolamentu espesifika ba membru polisia sira bainhira afeta ba Covid-19.

“Fatin ne’ebe ita prepara ne’e iha rasik Centru Formasaun Polisia hodi antisipa hela karik ita nia membru ka superior balun pozitivu bele mai izolamentu iha CFP,” Komandante CFP Ramos dehan.

Nia dehan, Komandu PNTL sei kordena ho Centru Integradu konaba preparasaun izolamentu ba membru PNTL sira, nune’e sira bele ba vizita fatin refere diak duni ka lae tanba, fatin izolamentu dadaun ne’e akumula pasiente barak demais.

“Komandante Jeral mos hanoin izolamentu ne’e propriu ba membru polisia sira ne’ebe kuandu positivu karik bele halo izolamentu iha sentru formasaun PNTL,” nia informa.

Alende ne’e nia dehan, izolamentu ida ne’e, la’os ba deit membru polisia sira iha munisipiu Dili, maibe ba mos membru polisia sira husi munisipiu seluk karik identifika positivu covid-19 bele izola iha izolamentu SF-PNTL.

“Iha Centru Formasaun Polisa ne’e fatin ne’ebe mak utiliza ba izolamentu ba kazerna ne’ebe mak utiliza husi membru sira, ita sei uza ida ne’e hau rasik mak ba vizita hodi hare direta,” Vise Ministru Interior Antonio Armindo hateten.

Nia dehan, fatin izolamentu ne’e proprio deit ba membru polisia sira husi munisipiu mai to’o nasional no sei la autoriza ba publiku.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04