Sábado, Junho 19, 2021

Polisia komandu munisipiu Dili prosesu ona sidadaun hamutuk nain 96 ba ministeriu publiku tanba komete krimi desobidiensia.

Polisia komandu munisipiu Dili prosesu ona sidadaun hamutuk nain 96 ba ministeriu publiku tanba komete krimi desobidiensia.

Porta voz Polisia Nasional Timor-Leste (PNTL), Superientendente Xefe Arnaldo de Araujo hateten sidadaun nain 96 refere polisia kaptura no prosesu tanba komete krimi desobidiensia hasoru regras serka sanitaria no konfinamentu jeral iha kapital Dili.

“Sidadaun hirak ne’e bainhira ita halo kapturasaun, ita detein uluk iha sela detensaun komandu munisipiu Dili nian durante 72 oras, despois ita prosesu ba ministeriu publiku, tanba sira komete krimi desobidiensia,” Porta voz PNTL Araujo dehan.

Nia dehan, habitante refere polisia kaptura bainhira hala’o hela sosialiazasaun konaba regras konfinamentu iha terenu no habitante sira lakoi kopera ho polisia hodi kumpri regras.

“Kategoria desobidiensia ne’ebe mak habitante sira komete ne’e mak hanesan la uza maskra, halibur malu grupu, konsumu alcohol iha tasi ibun, no halo movimentu la iha objetivu,” nia informa.

Tanba ne’e nia dehan, dadaun ne’e sidadaun hirak ne’e polisia prosesu ona ba ministeriu publiku hodi kriminaliza aktu ne’ebe mak habitante sira halo.

Entretantu, Diretor Fundasaun Mahein (FM), Joao Almedia, hateten rezolusaun governu konaba impozisaun konfinamentu domisiliariu jeral, refere mos katak autoridade seguransa hanesan polisia fiskaliza kumprimentu ba regra ne’ebe hatur iha rezolusaun no katak bainhira infrator sira la kumpri konsidera pratika krimi.

“Polisia iha kompetensia hodi kaptura no prosesu ema se deit mak la kumpri regra ne’e tuir rezolusaun ne’e haruka,” Diretor FM Almeida hateten.

Alende ne’e nia dehan, ba mos sidadaun estrangeiru bainhira la kumpri polisia iha kompetensia tuir rezolusaun ne’e haruka katak sei komunika sira nia identidade ba servisu migrasaun.

“Husu ba komunidade sira karik ita hakarak atu hakotu pesti corona virus iha Timor-Leste, ita hotu tenke kumpri regras ne’ebe mak governu aprova no autoridade polisia implementa,” nia hateten.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04