Quinta, Setembro 23, 2021
Total visitors: 578526

Governu liu husi Ministeriru Interior (MI) instala ona sistema integradu MIGAS hodi reforsa kontrolu servisu migrasaun iha fronteira.

Vise Ministru MI, Antonio Armindo, hateten sistema MIGAS ne’ebe mak estabelese ne’e hodi kontrolu movimentu ema hotu nian tama no sai inkliu sasan.

Vise Ministru MI, Antonio Armindo, hateten sistema MIGAS ne’ebe mak estabelese ne’e hodi kontrolu movimentu ema hotu nian tama no sai inkliu sasan.

“Sistema integradu ne’e ita estabelese ne’e liu husi apoiu Organizasaun Internasional Migrasaun (IOM). Sira mak deside katak sistema MIGAS ne’e mak serve no diak liu hodi utiliza iha fronteira,” Vice MI Armindo hateten.

Nia dehan, sistema MIGAS ne’e husi IOM estabelese ona iha nasaun 25 no agora dadaun implementa tan iha Timor-Leste.

“Sistema ne’e nesesidade tebes ba servisu migrasaun no dadaun ne’e servisu hotu tenke dijitaliza, tanba sistema ne’e ajuda tebes servisu bele lalais,” nia informa.

Iha fatin hanesan, Xefe IOM, Cecilia Mcintosh, hateten sira apoiu MI nune’e bele reforsa jestaun servisu migrasaun.

“Ita identifka ona sistema MIGAS mak nia merese hodi instala iha fornteira no fasil atu utiliza,” nia dehan.

Nia dehan, IOM sei kuntinua nafatin servisu hamutuk ho ministeriu interior hodi bele hasa’e kapasidade membru servisu migrasaun nian diak liu tan hodi bele utiliza sistema MIGAS refere.

Alende ne’e nia dehan, sistema online MIGAS diak tebes ba servisu migrasaun sira bele utiliza hodi halo atendimento ba movimentu hotu ne’ebe tama no sai husi fronteira.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04