Quinta, Setembro 23, 2021
Total visitors: 578526

Komandu Polisia Munisipiu Aileu Konstrui tan postu vizilansia permanente ida iha entrada Aileu husi Dili hosi asegura kriminozu sira labele halai sai husi Dili ba subar iha Aileu.

Komandu Polisia Munisipiu Aileu Konstrui tan postu vizilansia permanente ida iha entrada Aileu husi Dili hosi asegura kriminozu sira labele halai sai husi Dili ba subar iha Aileu.

Komandante Polisia Munisipiu Aileu, Superientendente Georje Monterio hateten, dala barak ona kriminoju sira halo krimi iha Dili halai ba subar iha Aileu liu-liu iha suku Kasnafar nian, semana ida ka rua mak sira tun fali ba Dili.

“Tanba ne’e dadaun ne’e ita konstrui ona postu vizilansia permanente iha entrada Aileu mai Dili kontrola no asegura kriminozu sira labele halai sai husi Dili no subar iha Aileu,” nia dehan.

Nia dehan, durante ne’e polisia munisipiu Aileu, kaer ona kriminozu hamutuk 11 ne’ebe mak sempre halo kirimi iha Dili, no halai ba subar iha Aileu suku Kasnfar.

“Sira halai mai subar iha Kasnafar ne’e semana ida ka rua, sira rona situasaun hakmatek polisia la buka ona mak sira foin tun fali ba Dili,” Superientendente Monterio hateten.

Maibe nia dehan, dadaun ne’e liu husi postu vizilansia refere sei garante katak la iha tan kriminozu ida atu lahai ses husi responsabilidade.

“Postu Vijinasia ne’e ita monta membru hamutuk nain 20 sira halo vizilansia durante 24 oras, tanba postu ne’e kompleta ho fatin deskansa nian, haris fatin, sintina,” nia informa.

Iha fatin hanesan, Komisariu Polisia Nasional Timor-Leste PNTL, Faustinho da Costa, hatete Komandu Jeral nafatin esforsu hodi completa fasilidade seluk ne’ebe mak seidauk kompleta hodi fasilita membru sira ne’ebe destaka iha postu permanente ne’e.

“Iha semana ida ne’e ita sei halo uluk instalasaun ba eletrisidade no kompleta ho radiu komunikasaun sira, depois ita sei instala tan camera vizilansia CCTV hodi bele ajuda kontrolu movimentu iha entrada entre Dili Aileu,” Komisario Costa hateten.

Alende ne’e nia dehan, postu ne’e la’os kontrola deit kiminozu sira ne’ebe halai sai husi Dili, maibe kontrola mos trasportasaun ai-ilegal sira ne’ebe mak sempre akontese iha diresaun ne’e.

“Husu ba Komandante no nia membru sira iha Munisipiu Aileu tenke kaer metin konfiansa servisu ne’ebe mak komandu hatun ona, utiliza didiak postu ne’ebe mak kontrui ona, nune’e bele uza iha tempu naruk,” nia salienta.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04