Sexta, Março 29, 2024
Total visitors: 766366

Durante implemetasaun Serka Sanitaria (SS) iha kapital Dili laran, Polisia Nasional Timor-Leste (PNTL) prosesu ona sidadaun hamutuk nain 4 ne’ebe mak falsifika dokumentu hanesan guia de marsa no kartaun vasinasaun hodi halo movimentu tama no sai husi Dili.

Durante implemetasaun Serka Sanitaria (SS) iha kapital Dili laran, Polisia Nasional Timor-Leste (PNTL) prosesu ona sidadaun hamutuk nain 4 ne’ebe mak falsifika dokumentu hanesan guia de marsa no kartaun vasinasaun hodi halo movimentu tama no sai husi Dili.

Segundu Komandante PNTL, Munisipiu Dili, Superientendente Jaoa Sancho Pires, hateten sidadaun nain 4 ne’ebe mak polisia halo ona prosesu ne’e 2 komete kazu falsifikasaun dokumentu guia de marsa iha fulan kotuk no 2 seluk iha fulan julhu ne’e mak komete kazu falsifikasaun kartaun vasina no polisia identifka no halo kedan kapturasaun.

“Sidadaun nain 4 ne’e ita prosesu hotu ona nain 2 hetan ona desizaun final husi tribunal no nain 2 seluk sei iha prosesu iha ona Ministeriu Publiku,” Superientendente Pires hateten.

Nia dehan, sidadaun sira ne’ebe mak komete kazu falsifikasaun dokumentu iha serka sanitaria ne’e hatudu katak nia la obdese ba lei ne’ebe mak rigor iha Timor no ne’e krimi.

“Sidadaun sira ne’ebe mak la kumpri lei ne’ebe ne’e, konsidera desobidensia tanba ne’e tenke posesu tuir lei ne’ebe mak vigora,” nia hateten.

Tanba ne’e, nia dehan kompandu apela ba publiku diak liu honestidade deit katak seidauk vasina, labele uza fali ema seluk nia kartaun ka falsifika fali kartaun vasinasaun hodi bosok polisia hodi halo movimentu.

Alende ne’e nia dehan ba komunidade ne’ebe mak kompleta ona vasina, bainhira halo movimentu tenke lori ho kartaun kinur ne’e ka eleitor no bilheti identidade ruma.

Iha parte seluk Brigaderio Jeneral Joao Mario “Aluk Descartes” husi Centru Integradu Gestaun de Crize (CIGC) hateten ba komunidade ne’ebe mak simu ona vasinan astrazeneka ka cenovax dala rua halo sirkulasaun iha teritoriu laran livre maibe tenke lori ho kartaun ne’e.

“Ba sira ne’ebe mak seidauk kompleta vasina tenke tuir swab no trata guia de marsa, la’o halo fali dokumentu falsu hodi bosok pesoal implementador lei sira ne’e krimi,” Brigaderio Jeneral Aluk hateten.

Nia dehan, kuandu komunidade ne’ebe mak halo movimentu ho dokumentu ilegal ka falsifika dokumentu ne’e kompetensia tomak polisia nia hodi kaptura hodi kiminaliza tanba ne’e desobidensia.