Quinta, Setembro 23, 2021
Total visitors: 578526

Fundasaun Mahein (FM) husu Polisia Nasional Timor-Leste (PNTL) hodi hametin seguransa iha rai laran hodi minimiza kazu krimi ne'ebe mak kuntinua akontese kada loron iha munisipu 13.

Fundasaun Mahein (FM) husu Polisia Nasional Timor-Leste (PNTL) hodi hametin seguransa iha rai laran.

Diretor FM, Joao Almedia, hateten tuir monitorizasaun ne'ebe mak sira halo durante ne'e kazu krimi sira hanesan asalta malu, homesido, no violensia domestika, inklui mos kazu sira ne'ebe akontese entre grupu arte marsiais.

"Kazu sira ne'ebe mak akontese ne'e tanba vizibilidade polisia nian iha komunidade ne'e menus no fo oportunidade ba kriminozu sira hodi halo krimi," Diretor FM Almedia hateten.

Tanba ne'e nian husu ba Komandante Jeral PNTL atu orienda komandu munisipiu sira hodi aperta metin seguransa hodi lebele fo fatin ba kriminozu sira halao krimi.

"Kazu sira akontese ne'e mos inpaktu husi implementasaun serka sanitaria ne'e halo ema hotu iha uma la iha aktividade atu halo ikus mai tenke mosu konflitu," nia hateten.

Alende ne'e nia dehan, postu polisia sira ne'e tenke funsiona no pesoal polisia sira tenke iha postu 24 oras hodi kontrola movimentu hotu iha Dili laran.

Iha parte seluk Portavoz PNTL, Superientendente Xefe Arnaldo de Araujo hateten, durante semana rua ba tolu iha fulan Julhu kazu ne'e mak rejistu iha komandu munisipiu 13 ne'e hamutuk 63.

"Husi Kazu 63 ne'e kompostu homesidu, soe bebe, asaltu malu, abuzu sexual, arma branka no violensia domestika," Superientendente Xefe Araujo hateten.

Nia dehan, Kazu sira ne'e akontese, ne'e tanba faktor ema nian, la iha konsiensia hemu lanu hodi halo asaun kriminozu.

Enkuantu nia dehan, dadaun ne'e operasaun polisia nian foka liu ba prvensaun Covid-19 iha postu entrada sira no redus tiha vizilansia iha kada bairu, maibe liga ba kazu sira ne'e polisia foti ona medida hodi halo prevensaun ne'ebe rigorozu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04