Domingo, Outubro 17, 2021
Total visitors: 584029

Fronteira ilegal tolu (3) inklui Fatumea, Turiskai, Nomokme inkliu tasi kuntribui tebes ba movimentu ilegal tama no sai husi territoriu nasional Timor-Leste tanba area hirak ne'e menus rekursu humanus hodi halo vizilansia.

Portavoz Polisia Nasional Timor-Leste (PNTL), Superienrendente Xefe Arnaldu de Araujo hateten durante movimentu ilegal sira ultrapasa husi fronteira tolu ne'e no tasi tanba distansia iha fronteira tolu ne'e distansia dok no membru PNTL ne'ebe mak destaka minimu liu atu kontrolu hotu.

Portavoz Polisia Nasional Timor-Leste (PNTL), Superienrendente Xefe Arnaldu de Araujo hateten durante movimentu ilegal sira ultrapasa husi fronteira tolu ne'e no tasi tanba distansia iha fronteira tolu ne'e distansia dok no membru PNTL ne'ebe mak destaka minimu liu atu kontrolu hotu.

"Iha fronteira ilegal Fatumea, Turiskai, Nomoke inkliu tasi ne'e ema tama sai ita la hatene, maibe barak mos ita nia membru sira konsegue kaptura movimentu ilegal balun," Portavoz PNTL Superientendente Xefe Araujo informa iha Komandu Jeral PNTL Kaikoli.

Maibe nia dehan, ba fronteira sira seluk movimentu ilegal kontrola ho efetivu.

"Tanba ne'e ohin ita desloka tan membru husi Polisia Nasional Timor-Leste pelotaun rua ba destaka tan iha fronteira hodi apoiu Unidade Patrolimentu Fronteira UPF reforsa seguransa hodi kontrolu movimentu ilegal," nia informa.

Alende nia dehan, dadaun ne'e Polisia Republika Indonesia kaptura sidadaun Timor-Leste hamutuk nain 113 ne'ebe mak konsege ultrapasa husi dalan ilegal ba Atambua no oras ne'e dadan iha hela prosesu atu deporta fila mai Timor-Leste.

Entretantu, Komandante UPF Superientendente Euclides Belo hateten distansia husi postu ida ba postu seluk iha fronteira ne'e kuaze lao 8 kilometru no membru kada postu destaka balun 6 no balun 4.

"Ita nia membru ne'ebe destaka menus maibe ita sempre servisu apoiu malu iha fronteira entre Unidade Polisia Maritima (UPM), Batalhaun Ordem Publiku (POB), Comandu Operasaun Espesial (COE), no Polisia Militar (PM)," nia salienta.

Nia dehan, durante ne'e movimentu ilegal atravesa barak liu husi fronteira Fatumea, Turiskai, no Nomoke, maibe oras ne'e dadaun servisu vizilansia iha area tolu ne'e reforsa ona husi BOP COE no membru polisia husi Komandu Jeral ne'ebe mak koloka tan iha fronteira.

"Ita espera katak ho membru husi unidade sira ne'ebe mak mai reforsa tan seguransa iha area fronteira ita sei servisu hamutuk hodi prevene movimentu ilegal no preneve transmisaun variante Delta iha Timor-Leste," nia dehan.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04